Б.Баярбаатар: 2025 оны төсвийн цагалбарт өөрчлөлт оруулж байж гацаанаас гарна

Өнөөдөр УИХ Төсвийн тухай хуулийг хүчингүй болгосонтой холбоотойгоор УИХ-ын гишүүн, Ёс зүй, дэгийн байнгын хорооны дарга Б.Баярбаатараас тодрууллаа.

-УИХ-аар төсвийг дахин өргөн барихаар боллоо. Өөрөөр хэлбэл процесс эхнээсээ явах нь ээ?

-Ерөнхийлөгчийн хоригтой холбоотойгоор зохицуулалт хийх шаардлага үүссэн. Ингээд нэг удаагийн дэг батлаж төсвийг хэлэлцэх болсон ч УИХ дээр дэмжлэг авч чадсангүй. Тиймээс Засгийн газар төсвөө дахин өргөн барихаар болж байна.

-УИХ 2025 оны Төсвийн тухай хуулийг хүчингүй болгосноор ямар үр дагавар үүсэх вэ?

Тухайлбал, орон нутаг төсвөө батлах хуулийн хугацаатай байдаг гэх мэтээр асуудал үүснэ.

-Ямар гарц гаргалгаа байна вэ?

 -Засгийн газар төсвөө хугацаандаа өргөн барьсан уу, барьсан. УИХ хуулийн дагуу хэлэлцэж баталсан. Өөрөөр хэлбэл УИХ үүргээ биелүүлсэн. Ер нь өмнө нь төсөвт нийт 10 удаа хориг тавьж байсан юм билээ. Харин энэ удаад Ерөнхийлөгчийн тавьсан хоригийг УИХ хүлээж авсан. Өмнө нь УИХ-д ийм процесс тохиолдож байгаагүй. Тиймээс хуулийн зохицуулалт зайлшгүй хийх ёстой болж байна. Хоригтой холбоотой орон нутагт үүсэх асуудлыг шийдэх хэрэгтэй.

-Тэр шийдэл нь юу байж болох вэ?

-2025 оны төсвийн цагалбарт өөрчлөлт оруулах хэрэгтэй байна. Харин ямар байдлаар зохицуулалт хийхийг холбогдох Байнгын хороод хуралдаад шийдэх байх. Цагалбарт зохицуулалт хийж л асуудлыг шийдэхээс өөр гарц байхгүй.

-Мэдээлэл өгсөнд баярлалаа.