ХАН-УУЛ ДҮҮРГИЙН УЛААН ЗАГАЛМАЙ ХОРООНЫ ЭЭЛЖИТ БУС ЧУУЛГАН ЗОХИОН БАЙГУУЛАГДЛАА

Хан-Уул дүүргийн Улаан загалмайн хорооны ээлжит бус чуулган дүүргийн Соёлын ордонд 2024 оны 11 дүгээр сарын 27-ны өдөр зохион байгуулагдлаа.

Энэхүү чуулганаар Хан-Уул дүүргийн ИТХ-ын дарга Ч.Бат-Оргил, Хан-Уул дүүргийн Засаг даргын Тамгын газрын дарга З.Буянт, Иргэдийн төлөөлөгчдийн хурлын төлөөлөгчид, сайн дурын идэвхтэн, ахмад гишүүд, ивээн тэтгэгч болон хандивлагч гишүүд, залуучууд болон өсвөрийн Улаан загалмайн гишүүд, хувийн болон төрийн байгууллагын төлөөлөл, хороодын Засаг дарга иргэдийн төлөөлөл оролцлоо.

Ээлжит бус чуулганаар дүүргийн Улаан загалмайн хорооны удирдах зөвлөлийн Тэргүүн, Дэд тэргүүн, гишүүдийг сонгох, цаашид хийж хэрэгжүүлэх ажлын төлөвлөгөө болон “Хүмүүнлэгийн хөтөлбөр”-ийн төслийг танилцуулж, Улаан загалмайн хорооны Тэргүүнээр ИТХ-ын Төлөөлөгч, Я.Энхбаатар төлөөлөгчдийн 100 хувийн саналтайгаар сонгогдож, дэмжигдлээ.