АТГ 2024 онд

Нүүрс олборлолт, экспорт, боомтын нүүрсний тээвэрлэлт, төлбөртэй холбогдсон хэрэгт мөрдөн шалгах ажиллагаа явуулах хамтарсан ажлын хэсгийн бүрэлдэхүүнд АТГ-ын 21 мөрдөгч ажиллаж, 100 хэрэгт мөрдөн шалгах ажиллагаа явуулснаас одоогийн байдлаар 16 хэргийн мөрдөн шалгах ажиллагааг дуусган шүүхэд шилжүүлэх саналтай, 14 хэргийг эрүүгийн хэрэгт нэгтгэх, 21 хэргийг хаах, 1 хэргийг харьяаллын дагуу шилжүүлэх саналтайгаар Нийслэлийн прокурорын газрын прокурорын хяналтад шилжүүлж шийдвэрлэсэн. Ажлын хэсгээс шүүхэд шилжүүлэх саналтай шилжүүлсэн 16 хэргээс 86 холбогдогчтой 11 хэрэг анхан шатны шүүхээр шийдвэрлэгдэж, одоо хэрэг бүртгэлтийн 36, мөрдөн байцаалтын 12, нийт 48 хэрэгт мөрдөн шалгах ажиллагаа явуулж байна.

Боловсрол, шинжлэх ухааны яамны харьяа Боловсролын зээлийн сангаас төрийн өндөр албан тушаалтнуудын хамаарал бүхий этгээдүүд хууль бус тэтгэлэг авч, эргэн төлөөгүй, мөн тэтгэлгийн мөнгийг хувийн дансаар авч завшсан, мөнгө угаасан байж болзошгүй гэх хэрэгт хамтарсан ажлын хэсэг мөрдөн шалгах ажиллагааг үргэлжлүүлж байна.