УИХ-ын гишүүн Дав.Цогтбаатарыг бүрэн эрх дуусгавар болох УДШ-ийн шийдвэр гараад 60 хонолоо
УИХ-ын гишүүнд Дээд шүүхийн шийдвэр нөлөөлөхгүй 60 хонолоо. Хөгжлийн банкны гэх хэргийн Хяналтын шатны шүүх хурлын шийдвэр гарч тухайн үед Хөгжлийн банкны хэлтсийн захирлаар ажиллаж байсан, одоогийн УИХ-ын гишүүн Дав.Цогтбаатарыг албан тушаалын байдлаа ашиглан бусдад давуу байдал олгосон гэм буруутай гэж үзсэн анхан шатны шүүхийн шийдвэрийг хэвээр үлдээсэн билээ.
Ингэснээр Д.Цогтбаатар гишүүний бүрэн эрхийн асуудал хөндөгдсөн. Улсын Дээд Шүүхийн шийдвэр гарсны дараа УИХ-ын гишүүд болон УИХ-ын Тамгын газраас тайлбар өгөхдөө Улсын Дээд шүүхийн шийдвэрийг УИХ хэлэлцэх боломжгүй, биелүүлэх л үүрэгтэй гэж байр сууриа илэрхийлж байсан.
Түүнчлэн зарим хуульчид Улсын дээд шүүхийн шийдвэр 60 хоногийн дараа албажих тухай ч тодотгож байв. Тэгвэл Улсын дээд шүүхийн шийдвэр гараад өнөөдөр 60 хонож байна. Өөрөөр хэлбэл Улсын дээд шүүхийн шийдвэр албажиж хэрэгжих хугацаа болсон гэсэн үг. Гэтэл УИХ-ын гишүүн Дав.Цогтбаатарын бүрэн эрхийг дуусгавар болгох тухай асуудал нам жим байгаа нь гайхрал төрүүлж байгаа юм.
УИХ бол хууль тогтоох дээд байгууллага. Хуулиа ч ёсчлон биелүүлэх үүрэгтэй. Энэ үүднээс Улсын дээд шүүхийн шийдвэрийг биелүүлэн УИХ-ын гишүүн Дав.Цогтбаатарын асуудлыг эцэслэх болов уу..
