УИХ Үндсэн хууль зөрчсөн үү?
Хөгжлийн банкны гэх хэргийн Хяналтын шатны шүүх хурлын шийдвэр гарч тухайн үед Хөгжлийн банкны хэлтсийн захирлаар ажиллаж байсан, одоогийн УИХ-ын гишүүн Дав.Цогтбаатарыг албан тушаалын байдлаа ашиглан бусдад давуу байдал олгосон гэм буруутай гэж үзсэн анхан шатны шүүхийн шийдвэрийг хэвээр үлдээсэн билээ.
Ингэснээр Д.Цогтбаатар гишүүний бүрэн эрхийн асуудал хөндөгдсөн. Улсын Дээд Шүүхийн шийдвэр гарсны дараа УИХ-ын гишүүд болон УИХ-ын Тамгын газраас тайлбар өгөхдөө Улсын Дээд шүүхийн шийдвэрийг УИХ хэлэлцэх боломжгүй, биелүүлэх л үүрэгтэй гэж байр сууриа илэрхийлж байсан. Түүнчлэн зарим хуульчид Улсын дээд шүүхийн шийдвэр 60 хоногийн дараа албажих тухай ч тодотгож байв.
Тэгвэл Улсын дээд шүүхийн шийдвэр гараад 60 хоног алт хэдийн өнгөрсөн. Гэтэл өнөөдрийн хүртэл УИХ-ын гишүүн Дав.Цогтбаатарын бүрэн эрхийг дуусгавар болгох, түдгэлзүүлэх эсэх асуудал УИХ-ын түвшинд яригдаагүй байна. Уг нь бол Үндсэн хуулийн 50.2-д Улсын дээд шүүхийн шийдвэр шүүхийн эцсийн шийдвэр байх бөгөөд түүнийг бүх шүүх, бусад этгээд заавал биелүүлнэ.
Хэрэв Улсын дээд шүүхийн шийдвэр хуульд харшилбал түүнийг Улсын дээд шүүх өөрөө хүчингүй болгоно. Улсын дээд шүүхийн тайлбар хуульд харшилбал хуулийг дагаж биелүүлнэ. гэж заасан байдаг. Тэгэхээр УИХ заавал биелүүлэх учиртай. Гэтэл өнөөдрийг хүртэл Улсын дээд шүүхийн шийдвэр биелэгдээгүйг хархад УИХ Үндсэн хуулийг зөрчиж байна
