Чингэлтэй дүүргийн МАН-ын хорооны даргаар Н.Батсүмбэрэлийг сонголоо
Чингэлтэй дүүргийн МАН-ын хороо өнөөдөр хуралдан дүүргийн Засаг дарга Н.Батсүмбэрэлийг намын хорооны даргаараа сонгосон байна. УИХ-ын гишүүн асан Т.Аюурсайхан тус дүүргийн МАН-ын хорооны даргаар ажиллаж байгаад нүүрсний хулгайн хэрэгт нэр холбогдсон тул намын хорооны даргын ажлаа УИХ-ын гишүүн Ж.Сүхбаатарт шилжүүлээд байсан.
УИХ-ын гишүүн Ж.Сүхбаатар Монгол Улсын сайд, Түгжрэлийг бууруулах үндэсний хорооны даргаар ажиллаж байхдаа “ногоон автобус”-ны гэх хэрэгт нэр холбогдон шалгагдаж байгаа юм. Тиймээс ирэх зургаадугаар сард болох УИХ-ын сонгуулийн өмнө дүүргийн намын хороог ахалж орох хүнийг сонгох зайлшгүй шаардлага тулгараад байсан. Тэгвэл МАН-ын удирдлагуудын зүгээс Чингэлтэй дүүргийн Засаг дарга Н.Батсүмбэрэлийг дүүргийн намын хорооны даргаар сонгох улс төрийн чиглэл өгчээ.
Тэрээр өнөөдрөөс Чингэлтэй дүүргийн Засаг дарга, дүүргийн намын хорооны даргын албыг давхар хашиж эхлээд байгаа юм.
Copyrights © 2026 БҮХ ЭРХ ХУУЛИАР ХАМГААЛАГДСАН. REELNEWS
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.