ЭРҮҮЛ МЭНДИЙН САЙД Ж.ЧИНБҮРЭН АЗИЙН ХӨГЖЛИЙН БАНКНЫ МОНГОЛ УЛС ДАХЬ ЗАХИРЛЫГ ХҮЛЭЭН АВЧ УУЛЗАВ
Монгол Улсын Их Хурлын гишүүн, Эрүүл мэндийн сайд Ж.Чинбүрэн өнөөдөр Азийн хөгжлийн банкны Монгол Улс дахь захирал, хатагтай Шаннон Коулин, түүнийг дагалдан яваа албаны хүмүүсийг хүлээн авч уулзлаа. Уулзалтаар Сайд Ж.Чинбүрэн, Азийн хөгжлийн банк өнгөрсөн хугацаанд Монгол Улсын эрүүл мэндийн салбарт анхан шатны тусламж үйлчилгээний тогтолцоог боловсронгуй болгохоос эхлэн эмнэлгийн үйлчилгээ, санхүүгийн удирдлага, хүний нөөцийн чадавхыг бэхжүүлэх зэрэг өргөн хүрээнд Засгийн газартай хамтран олон хөтөлбөр төслийг амжилттай хэрэгжүүлсэн хөгжлийн том түнш болохыг онцлон тэмдэглэв.
Хатагтай Шаннон Коулин энэ үеэр эрүүл мэндийн салбарт хэрэгжүүлэхээр боловсруулж байгаа хөрөнгө оруулалтын болон хэрэгжиж эхэлж байгаа техникийн туслалцааны зарим шинэ төсөл хөтөлбөрүүдийн тухай Сайд Ж.Чинбүрэнд танилцууллаа.
Сайд Ж.Чинбүрэн салбарт өнөөдөр хэрэгжиж байгаа хөрөнгө оруулалтын төслүүдийн хэрэгжилтийн явц байдал, удааширч байгаа, шийдвэрлэх шаардлагатай асуудлуудын талаар сонсож, санал солилцов. Тэрбээр хэрэгжиж байгаа төслүүдийн талаар яамны холбогдох албаны хүмүүсээс дэлгэрэнгүй мэдээллийг ойрын хугацаанд сонсож, танилцсаны дараа ажил хэргийн уулзалт дахин зохион байгуулж, цаашид авч хэрэгжүүлэх арга хэмжээ, шийдлийн талаар ярилцах санал тавив.
Copyrights © 2026 БҮХ ЭРХ ХУУЛИАР ХАМГААЛАГДСАН. REELNEWS
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.