Хуульч О.Батхүү: “Шинэ Монгол” сургуулийн үүсгэн байгуулагч Ж.Галбадрах багшийн ТББ-руу улсын төсвөөс 1.2 тэрбум төгрөг оржээ. Төрийн өндөр албан тушаалтан төрөөс мөнгө авах нь бүү хэл сургалтын тэ...

УИХ-ын гишүүн Ж.Галбадрах түүний хамаарал бүхий байгууллагад улсын төсвөөс 1.2 тэрбумын санхүүжилт авсан асуудал олны шүүмжлэлийг дагуулаад байна. Энэ талаар хуульч О.Батхүү хэлэхдээ, “Шинэ Монгол сургуулийн үүсгэн байгуулагч Ж.Галбадрах багшийн ТББ-руу төсвөөс 1.2 тэрбум төгрөг оржээ. Үүнийг мань хүн нэлээн дээрээс явж байгаа ажил гэж тайлбарлаж байна.

Жишээ нь Хурдын барилга чанартай учраас know how-г нь ашиглах ёстой гэж үзэж. Ингээд Чойжоо гишүүний байгуулсан ТББ-руу төсвийн олон тэрбумыг хийхтэй адилтгаж болно. Хувийн хэвшлээс сайн туршлага авч болно. Гэхдээ beneficial owner буюу эцсийн өмчлөгч нь хууль тогтоох байгууллагын гишүүн байж болохгүй. Энэ бол ямар ч эргэлзээгүй ашиг сонирхлын зөрчил мөн. Ж.Галбадрах гишүүн би эндээс баяжаад байгаа юм байхгүй гэж ярьж байна. Энэ бол баяжих үгүйтэй ямар ч хамаагүй. Хууль тогтоогч төсвийн мөнгөнөөс авах, авахгүй асуудал.

Төрийн өндөр албан тушаалтан төрөөс мөнгө авах нь бүү хэл сургалтын тэтгэлэгт ч хүүхдээ хамруулахыг хуулиар хориглосон. Өнөө биш гэхэд дараа шалгагдах биз. Энэ мөнгөнөөс авч ашигласан бол шоронд орохыг ч үгүйсгэхгүй” гэжээ. Ж.Галбадрах нь 2024 оны сонгуульд МАН-ын жагсаалтаар 11-т бичигдэж, гишүүн болсон. ХОМ-ээс харахад 4 тэрбум 144 сая 204 мянган төгрөгийн хөрөнгөтэй. "Шинэ Монгол" сургуулийн захирал 30 гаруй жил боловсролын салбарт ажилласан нэгэн юм.

Түүний үүсгэн байгуулсан “Шинэ Монгол” сургууль нь Хан-Уул болон Баянзүрх дүүрэгт салбаруудтай аж.

Copyrights © 2026 БҮХ ЭРХ ХУУЛИАР ХАМГААЛАГДСАН. REELNEWS