Б.Батцэцэг хов зөөдөг “эм хошуу” алдраа зоригтой гэж солихоор шийдэв үү?
Баянхонгорт дэвшээд навсайтал ялагдсан Б.Батцэцэг хоёр дахиа дэвшин УИХ-д сонгогдож ирсэн. Бараг л Баянхонгорын хүн шиг болтлоо дээлнийхээ өнгийг гандтал явсны үр дүн л дээ. Хамт мөр зэрэгцэн дэвшсэн Г.Занданшатарыгаа тэр яагаад ч юм энэ удаад өмөөрмөөр санагдсан бололтой. Д.Амарбаясгаланг гишүүний бүрэн эрхээсээ татгалзаж нүүрсний хулгайн хэргээ шалгуул гэж цочир сонин мэдэгдэл хийлээ.
Өөр нэг талаас нь харахаар энэ бүсгүй “том ах”-ын ойрын хүн. Ерөнхийлөгч гадаадад хаана л ажил албаар явна Б.Батцэцэг хамтдаа шахуу. Угаас Гадаад хэргийн сайд учраас хамт явахаас яах вэ. Гэхдээ тэдэнд үүнээс ч илүү холбоо хамаарал байдгийг түмэн мэдэх болсон цаг. Өөрөөр хэлбэл Б.Батцэцэг сайдын байр суурь “ах”-ын үзэл бодол байж болох талтай.
Ер нь манай хүүхнүүд энэ улс төрийн маргаанд хөөрхөн хөөрхөн дүрээ гаргаж л байна. Жишээ нь А.Ариунзаяа Д.Амарбаясгалантай угшил ярьвал нэг нутгийнх гэсэндээ гэнэн муурын нүд гарган өөрийгөө романтик хэмээн тодотгон цаагуураа Г.Занданшатарын эсрэг өгүүлбэрүүд хэлээд авах жишээний. Бусад нь зураг зодоон хоёрыг холоос харвал зүгээр гэсэн сэтгэлээр бүлх залгисан мэт л байна.
Б.Батцэцэгийн үйлдэл ямартай ч цочир сонин байлаа.
Copyrights © 2026 БҮХ ЭРХ ХУУЛИАР ХАМГААЛАГДСАН. REELNEWS
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.