АНУ-ын их, дээд сургуулиудад 200 оюутан сургах талаар санал солилцов
Нийслэлийн ИТХ-ын дарга А.Баяр тэргүүтэй төлөөлөгчид АНУ-ын Юта мужид айлчлал хийлээ. Айлчлалын үеэр Юта мужийн их, дээд сургуулиудын төлөөллүүдтэй уулзлаа. НИТХ-ын дарга А.Баяр Бригам Янгийн их сургуулийн удирдлагуудтай уулзах үеэрээ боловсролын салбарт хамтын ажиллагааг өргөжүүлэх чухал байгааг онцлов. Солт Лэйк тойргийн их, дээд сургуулиудад жил бүр тогтмол 200 оюутан суралцуулах хүсэлтэй байгаагаа илэрхийлээд Нийслэл Улаанбаатар хотоос оюутнуудыг сургах тэтгэлгийг хамтран зохион байгуулахад бэлэн байгаагаа дурдлаа.
Мөн төрийн албан хаагчийг чадавхжуулах богино, дунд хугацааны сургалтуудыг АНУ-д төдийгүй Монголд эрдэмтэн, профессоруудыг урьж зохион байгуулах боломжтой гэлээ. Үүнээс гадна цахим, танхим хосолсон сургалтуудыг бодит ажил хэрэг болгох талаар ярилцав. Цаашид Ази төвтэй сургуулиа Монголд байгуулах боломжийг судалж үзэхийг хүслээ.
Мөн Хавай мужид сурч буй Монгол оюутнуудыг хүлээн авч уулзлаа. Оюутнуудын ажиллаж, амьдарч буй нөхцөл, тэтгэлэг, боломжуудын талаар ярилцав. Их сургуулиа төгсөөд эх орондоо ирж ажиллаж амьдрахыг оюутнуудад уриаллаа.
Copyrights © 2026 БҮХ ЭРХ ХУУЛИАР ХАМГААЛАГДСАН. REELNEWS
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.