АТГ: ДЦС-IV ТӨХК-ийн захирал Н.Тавинбэхийг шалгаж байгаа нь үнэн
“ДЦС-4” ТӨХК-ийн гүйцэтгэх захирал Н.Тавинбэхийг АТГ-аас шалгаж, гүйцэтгэх ажиллагаа явуулж эхэлжээ. Тодруулбал, Эрчим хүчний сайд асан Н.Тавинбэхийг "Гаднын орны эрчим хүчний хөнгөлөлттэй зээлийн төслийг албан тушаалаа урвуулан ашиглаж, хууль бусаар хувьдаа завшиж, хөрөнгөжсөн байж болзошгүй" гэх үндэслэлээр авлигатай тэмцэх газраас шалгаж эхэлжээ. Энэ хүрээнд өнөөдөр /2026.01.14/ саатуулан шалгах саналаа прокурорын байгууллагад өгөх мэдээлэл байна.
Түүний хувьд 2020 онд Ерөнхий сайд асан У.Хүрэлсүхийн танхимд Эрчим хүчний сайд, 2022 оноос хойш Төрийн нарийн бичгийн даргаар ажиллаж байсан бөгөөд 2025 оны долдугаар сард “Дулааны гуравдугаар цахилгаан станц” ТӨХК-д Бүрэн эрхт төлөөлөгчөөр томилогдон ажилласан. Хамгийн сүүлд тэрбээр 2025 оны арванхоёрдугаар сард "ДЦС-IV" ТӨХК-ийн гүйцэтгэх захирлаар томилогдсон байсан юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.