Ерөнхийлөгчийн санаалчилсан хуулиар эргүүлэн татагдах гишүүдийг М.Нарантуяа-Нара, Ц.Мөнхтуяа, Х.Баттулга, Л.Оюун-Эрдэнэ нар тэргүүлнэ

Ерөнхийлөгч У.Хүрэлсүх УИХ-ын гишүүнийг эргүүлэн татах хуулийн төсөл өргөн барихаар болсноо зарлалаа. Тодруулбал,

• Ёс зүйн зөрчил гаргасан,

• Тангаргаасаа няцсан,

• Чуулганы хуралдаа сууж төлөөлөх үүргээ хэрэгжүүлээгүй,

• Гэмт хэрэгт холбогдсон нь шүүхээр тогтоогдсон УИХ-ын гишүүдийг эргүүлэн татах аж.

Тэгвэл Ерөнхийлөгчийн санаачилсан хуулиар эргүүлэн татагдах гишүүдийг УИХ-ын гишүүн М.Нарантуяа-Нара, УИХ-ын гишүүн Мөнхтуяа, УИХ-ын гишүүн Х.Баттулга, Ерөнхий сайд асан Л.Оюун-Эрдэнэ нар тэргүүлэх нь. Учир нь сүүлийн өдрүүдэд УИХ-ын гишүүн М.Нарантуяа-Нарагийн ёс зүйн асуудал цахим орчинд хурцаар хөндөгдөж байгаа. Тэрээр иргэдийн дэмжлэгээр УИХ-ын гишүүн болсон атлаа ард түмнээ ёс бус үгээр гутаан доромжилж байгаа нь олны дургүйцлийг хүргэж шүүмжлэл дагуулж байгаа юм. Түүнийг эргүүлэн татах шаардлагыг иргэн О.Энхмаа УИХ-ын дарга Н.Учралд өчигдөр хүргүүлсэн юм.

Харин УИХ-ын гишүүн Х.Баттулга, Ерөнхий сайд асан Л.Оюун-Эрдэнэ нар бол УИХ-ын чуулганыг хамгийн их тасалдаг гишүүд. Тэд намар, хаврын чуулганы нээлтээр гэгээн дүрээ харуулахаар бусдаар чуулганы хуралдаанд сууж ард түмнийг төлөөлөх үүргээ огтхон ч хэрэгжүүлдэггүй билээ. Тиймээс хэрэв Ерөнхийлөгч У.Хүрэлсүхийн өргөн барих хууль хаврын чуулганаар батлагдвал эдгээр гишүүд эргүүлэн татагдах магадлалтай юм.