Улаанбаатар хотын хаягдал ус дахин боловсруулах анхны үйлдвэр ашиглалтад орлоо
Монгол Улсын Ерөнхийлөгч Ерөнхий сайд байхдаа АНУ-ын Төрийн нарийн бичгийн даргатай хамтран Мянганы сорилтын хоёр дахь Компакт гэрээ хүчин төгөлдөр болгож, улмаар 4 жилийн өмнө 2022 оны 8 дугаар сарын 25-ны өдөр энэхүү үйлдвэрийн шавыг тавьж, бүтээн байгуулалтын ажлыг эхлүүлсэн юм.
Улаанбаатар хотод байрлах дулааны цахилгаан станцууд жилд 21 сая орчим метр куб ус буюу нийслэлийн нийт усны хэрэглээний 23.8 хувийг газрын доорх усны эх үүсвэрээс авч ашигладаг бөгөөд үүний 18.0 сая метр куб усыг хөргөлт, угаалга цэвэрлэгээ, үнс зайлуулахад ашигладаг.
Энэхүү хаягдал ус дахин боловсруулах үйлдвэр ашиглалтад орсноор дээрх хэмжээний хаягдал усыг стандартын шаардлагад нийцүүлэн боловсруулж, Дулааны цахилгаан станцуудын технологийн хэрэгцээнд нийлүүлэн цэвэр усыг хэмнэсэн үйл ажиллагаа явуулахад бэлэн болжээ.
Энэхүү бүтээн байгуулалт нь сүүлийн 30 жилд нийслэл Улаанбаатарт оруулсан хамгийн том хөрөнгө оруулалт бөгөөд ус хангамжийн салбарт тулгамдаж байгаа асуудлуудыг цогцоор нь шийдэхэд чиглэсэн мега төсөл юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.