С.Жавхлан “Буян” Жагаатай нийлж, БНН-аас сонгуульд өрсөлдөнө
УИХ-ын 2024 оны сонгуульд сонин, содон дүрүүд нэлээн их нэр дэвшиж байгаагийн нэг нь экс гишүүн С.Жавхлан, БНН-ын дарга, “Буян”-гийн Б.Жаргалсайхан нар нэгдэж, сонгуульд оролцохоор болжээ. Ингэхдээ Бүгд Найрамдах Намаас хоёул тойрогт өрсөлдөх гэнэ. С.Жавхлангийн хувьд 2016 онд БЗД-т бие даан нэр дэвшиж УИХ-ын гишүүн болж байв. 2020 онд даагаа нэхэн, сонгуульд өрсөлдсөн ч өвдөг шороодсон.
Улс төрд орох хаалга байдгаас гарах хаалга байдаггүй гэхчлэн дуучин маань ахин даагаа нэхэх нь ээ. Тэрээр 2-р тойрог буюу төрөлх нутаг Увс, Ховд, Завхан, Говь-Алтайн тойрогт хүч үзэх нь. Харин 2004 онд УИХ-ын гишүүн болж төрийн ордонд хөл тавьсанаас бусдаар үргэлжид тойргийн гадна явж ирсэн БНН-ын дарга “Буян” Жагаа 10-р тойрог буюу нийслэлийн Сүхбаатар, Чингэлтэй дүүрэгт өрсөлдөх ажээ. Аль аль нь чанга тойрог. Үзээд байж дээ Бүгд найрамдахчууд минь.
Copyrights © 2026 БҮХ ЭРХ ХУУЛИАР ХАМГААЛАГДСАН. REELNEWS
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.