Энэ намрын тансаг ХУРИМЫН ЭЗЭД

Хүний амьдралд тохиох онцгой, чухал үйл явдлуудын нэг бол хурим. Хос хоёр хайр сэтгэлээ бататган, насан туршдаа хамтдаа амьдрах сонголт хийж, бие биедээ амлалт өгч, гэр бүл ойр дотнын хүмүүстэйгээ аз жаргал, баярт мөчөө хуваалцахыг хүсдэг. Энэ л онцгой, дурсамжтай өдрүүд тохиодог цаг бол намар. Энэ жилийн намар ч мөн шил шилээ дарсан олон гайхалтай хурим болж өнгөрөв. Тэр дундаа олны танил хүмүүс цахим орчинг шуугиулсаар ээлж дараалан хуримласан. Тэгвэл энэ намрын хамгийн гайхам, тансаг, содон хуримын эзэд хэн байв? Хамтдаа сонжъё.

-“ӨГӨӨЖ”-ИЙН Г.ТҮМЭНГЭРЭЛИЙН ОХИНЫ ИТАЛИ ДАХЬ LUXURY ХУРИМ-

“Өгөөж чихэр боов” ХХК-ны эзэн С.Түмэнгэрэл гурван хүүхэдтэй. Түүний ууган охин Т.Аззаяа цомхон боловч тансаг чамин хурим хийж, олныг гайхуулав. Тэрбээр өдгөө Европт амьдардаг бөгөөд хуримаа Италийн Флоренци хотын Гамберриа хэмээх тансаг виллад хийсэн байна. 

-ЖҮЖИГЧИН ХОСЫН ЖИНТЭЙ ХУРИМ-

“Эмоци” хамтлагийн гэр бүлийн хосууд болох жүжигчин О.Тэмүүжин, Г.Нарансолонго нар Вьетнамын Фукуокд аялж явахдаа сүй тавьсан. "Х түц" продакшнд байхаас эхлэн бие биедээ дурлан, амьдралаа холбосон тэд өдгөө гурван хүүхэдтэй болж, өнөр бүл болон амьдарч буй. Урлагийн хосыг ч хэлэх үү үе, үеийн хошин урлагийн жүжигчид, олны танил дуучин, бүжигчид чуулж, дуу хуураар бялхсан хурим болж, цахим орчинг халаагаад амжсан. 

 -“ХАС”-ЫН ЭРХ ГҮНЖ Г.ДҮЗИЙМААГИЙН МӨНГӨЛӨГ ХУРИМ-

Г.Дүзиймаа бол орчин цагийн элит гүнжүүдийн нэг. “Ард”-ын Ч.Ганхуягын дүү Ч.Гантулгын охин тэрбээр Б.Золбоо хэмээх боловсролтой, ажил хэрэгч залуутай ханилан сууж, гурван хүүхдийн ээж. Зөвхөн баячуудын хүрээлэлдээ алдартай байсан тэрбээр "Тэнгисийн эрэг дээрх 24/7" шоуны ачаар олон хүмүүст гоо сайхан, гоё ганганаа бишрүүлэн, магтуулаад амжсан. Элит гэр бүл гэлцдэг "Ард"-ын эрх гүнжийн хурим ямархан болох нь тодорхой биз ээ. 

-ЗАЛУУ ЖҮЖИГЧИН Ж.НОМИНГЭРЭЛИЙН ХУРИМ-

Сүүлийн үеийн клип, рекламыг базаж буй үзэсгэлэнтэй залуу жүжигчин Ж.Номингэрэл энэ намар хуримаа хийсэн нь олон ч охидын сэтгэлийг хөдөлгөж, олон харчуудын зүрхийг шархлуулсан сурагтай. Хуримын зараа тараах хүртэл сүйт хархүүгээ цахим орчинд ил гаргаагүй, олноос нууцалж байсан нь түүнийг ганц бие хэмээн крашладаг эрчүүдэд хүнд цохилт болсон бол охидын хувьд хуримаа ингэж хийх юмсан гэх нууцхан хүсэлдээ автсан гэнэ лээ. Ж.Номингэрэлийн хувьд “Яаралтай тусламжийн тасаг”, “37 дугаар точка”, “Амьдралоги”, “Бид нэг гэр бүл” зэрэг уран бүтээлүүдийн гол болон туслах дүр бүтээсэн шаггүй авьяаслаг нэгэн. 

-МОНГОЛЫН ФИТНЕССИЙН ОД ХОСЫН ФИТ ХУРИМ- 

 Дасгалжуулагч Г.Угалзцэцэг ганц охинтой. Түүний охин М.Мойлоод өнгөрсөн жил CHAMP FITNESS-ийн дасгалжуулагч багш Д.Алтанцацрал гэрлэх санал тавьж байв. Ийнхүү тэд энэ намрын отгон хурим хийлээ. Фитнессийн ертөнц дотроо алдартай, од хос хуримлаж, олон фит хүмүүсийг нэг дор цуглуулсан нь энэ хуримын гол онцлог байсан биз ээ. 

Copyrights © 2026 БҮХ ЭРХ ХУУЛИАР ХАМГААЛАГДСАН. REELNEWS