Н.Номтойбаяр ҮАБЗ-ийн дарга асан Ц.Энхтүвшингийн хүргэн болох уу?
МАК-ын хунтайж, УИХ-ын гишүүн Н.Номтойбаяр залуу насны романс, эхнэр хүүхний домог түүхээр баялаг нэгэн. Антропологич Ш.Туяа, Б.Мандхай, “Киви”-гийн Агий, хамгийн сүүлд Э.Номин хэмээх залуу бүсгүй түүний хүүхдийг төрүүлсэн байдаг. Эдний хэнтэй нь албан ёсоор гэрлэж, батлуулж байгаагүй тэрээр энэ удаад Э.Сангаамаа хэмээх өндөр боловсролтой, элит гаралтай бүсгүйтэй романс үүсгээд удаж байгаа аж.
Э.Сангаамаа нь ҮАБЗ-ийн нарийн бичгийн дарга асан Ц.Энхтүвшингийн охин бөгөөд БЗС-аас зээл аваад зээлээ төлөөгүй гэдгээрээ хэвлэлүүдэд онилогдож байв. Өдгөө “Ард лайф” ХХК-ийн ТУЗ-ийн хараат бус гишүүн, Голландын ING банкны Монгол дахь төлөөлөгчийн газрын дэд төлөөлөгчөөр ажилладаг, хөрөнгө оруулалт, санхүүгийн чиглэлээр мэргэшсэн бүсгүй.
Түүний аав Ц.Энхтүвшин ноёнтны тухайд экс ерөнхийлөгч Ц.Элбэгдоржийн гарын хүн, түүнийг Ерөнхийлөгөөр ажиллаж байхад ҮАБЗ-ийн нарийн бичгийн даргаар ажиллаж байсан, уран зургийн хоббитой, тийм ч учраас Эм Си Эс-ийнхэнтэй хамтран “Цагаан дариум” уран зургийн галерей нээж байсан улс төрийн хүрээний бийлэгжүү нууц ноёнтон.
Хосууд нэлээд удаан болзож байгаа бөгөөд Э.Сангаамаа нь Н.Номтойбаяр гишүүний тухайд нийгмийн статус, хөрөнгө бэл, гоо үзэмжийн тухайд ч зэрэг зиндаа ойролцоо анхны болзоот бүсгүйгээр нэрлэгдэх биз ээ.
