Секс дутагдаж буй эрэгтэйг таних 5 шинж
Сексийн харилцаа, бэлгийн амьдрал эмэгтэйчүүдээс илүү эрчүүдэд нэн чухал байдгийг бид мэднэ. Эрэгтэй хүн бэлгийн харилцаанд орохгүйгээр хамгийн ихдээ 18 хоног явж чадна, үүнээс дээш бол тэвчиж чаддаггүй гэх судалгааны дүн ч байдаг. Тэгвэл бүсгүйчүүд өөрийн дур хүслийг уран бүтээл, өөрийгөө хөгжүүлэх, эсвэл спортоор хичээллэх энерги болгож өөрчилж чаддаг байна.
Тэгвэл эрчүүдэд секс дутагдаж буйг яаж таньж мэдэж болох вэ?
1.Бухимдалтай байдал
Эрчүүдийн хувьд удаан хугацааны турш сексгүй байснаар уур бухимдалтай болдог гэнэ. Тэвчээр нь хязгаартаа хүрсэн байдаг учир ойртсоны ч хэрэггүй гэх нь ч бий. Бүх төрлийн гуйлт, асуултанд тэрээр үглэсэн, бухимдалтай байдалтайгаар хариулна. Удаан хугацааны турш сексгүй байх нь аз жаргалын дааврыг ялгаруулдаггүй учир стрессийн даавар илүүддэг байна.
2.Бие муутай залуу
Тогтмол ямар нэгэн өвчин ороож буй залууг сексийн дутагдалтай гэж дүгнэж болно. Учир нь дархлааны систем нь тогтмол бэлгийн харилцаатай холбоотой байдаг аж. Тогтмол бэлгийн харилцаанд ордог байх нь төрөл бүрийн нянд тэсвэртэй байдлыг 30% нэмэгдүүлдэг байна. Үүнээс гадна үнсэлт, тэврэлт гэх мэт нандин зүйлс эрүүл мэндэд чухал нөлөөтэй гэдгийг мартаж болохгүй.
3.Бүх эмэгтэйчүүд минийх
Эмэгтэй хүн рүү харах түүний харцыг ажиглаад үзээрэй. Өөрт нь таалагдсан бүсгүйг тэр бараг л цоо ширтэхэд бэлэн байдаг. Үүнээс гадна тэрээр бүхий л яриаг секстэй холбоотой наргиан болгож өөрчилдөг.
4.Гунигтай байдал
Түүний нүдэнд гунигтай байдал харагдах бөгөөд бүхий л амьдрал нь бүтэхгүй байгаа юм шиг түүнд санагдана. Сексийн гүн дутагдалд орсон эрчүүд юу ч хийх хүсэлгүй болдог гэнэ. Энэ төрлийн эрчүүдийг тайвшруулахдаа болгоомжтой байх хэрэгтэй бөгөөд түүнийг сексээр л эмчлэх боломжтой гэдгийг санаарай.
5.Би нисмээр байна.
Залуугийн нэг байрандаа тогтохгүй тогтмол хаа нэг тийшээ хэсүүчилж буй нүдний харц нь түүнийг яг л хаа нэгтээ дүүлэн нисэж буй мэт сэтгэгдлийг төрүүлэх болно. Ялангуяа сексийн дутагдалд орсон хүмүүс хэт их төсөөлөн бодох дуртай болдог бөгөөд энэ нь тухайн хүнийг анхаарал төвлрөлгүй болоход нөлөөлдөг байна. Хэрвээ таны сонирхож буй залуу эсвэл нөхөрт тань энэ төрлийн шинж тэмдэг илэрч байвал та түүнтэй хос болох хэрэггүй гэсэн үг биш. Учир нь бэлгийн харилцаа гэдэг эрэгтэй, эмэгтэй хүмүүсийн хувьд харилцааны нэн чухал хэсэг байдаг гэдгийг үргэлж санаж, тэднийг ойлгох гэж хичээгээрэй.
Бэлтгэсэн Энжи
