Дээдсийн хүүхнүүдийн гоо сайхныг Desi-гийн Le beautique хауз клиник “баздаг”
Өдөр тутмын хэрэглээ нь битүү брэнд, LV, Prada, Chanel тэргүүтнийг баруун солгойгүй эдэлдэгээрээ дээдсийн хүрээндээ зартай Desi гэх дэгжин шаавай бүсгүй бий. Жинхэнэ нэр нь Б.Даваасүрэн, Монголын нууцлаг баячуудын нэг баян Бямбаагийн охин энэ брэндлэг хатагтай Le beautique хэмээх гоо сайхны хауз клиникийн эзэн.
Нэг байшинд ороод гоо сайхны тарилгаас авахуулаад үс, хумс, саун спадаа хүртэл орчихдог, лаборатори, шүдний эмнэлэг хүртэл цогц, багц үйлчилгээг нэг дор үзүүлдэг клиник салон /life style house сlinique/ сүүлийн үед ихэд моодонд орж байгаа бөгөөд чухамдаа мөнгөлөг, чинээлэг хүмүүсийн л хийх бизнес байж таарна. Үүгээр ч зогсохгүй Монголын баячууд сүүлийн үед арлын Японд очиж 30 мянган долларын үнэтэй гоо сайхны тарилга хийлгэж, гоо үзэсгэлэн, эрүүл мэнддээ анхаарах болсон. Тэгвэл тус тарилгыг Монголд албан ёсоор төлөөлдөг нь ч Le beautique хауз клиник гэнэ.
Ерөөс Улаанбаатарын хамаг сайхан хүүхнүүд, дээдсийн баячууд хуйгаараа үйлчлүүлдэг уг клиник салоны байнгын үйлчлүүлэгчид “Ажигана” Э.Туулаас авахуулаад УИХ-ын гишүүн, “M-Oil”-ын Б.Пунсалмаа, “Sunday” группийн Гүйцэтгэх захирал Си буюу Б.Сэлэнгэ, “Силк Рөүд”-ийн Л.Амармэнд, “Ариун” брэндийн өв залгамжлагч А.Урангоо, экс Ерөнхийлөгч Х.Баттулгын охин Б.Намуун, DHL-ын О.Хулан, Б.Сүрэн даргын бага хүү Монхооны эхнэр С.Тэлмэн гэх мэт дан баян чинээлэг тэр хэрээр гоо сайхнаасаа мөнгө харамладаггүй сайхан хүүхнүүдийн нэрс жагсана.
Эдэн дундаас гоо үзэсгэлэн, биеэ авч явах байдлаараа их хотынхонд идеал, стандарт тогтоож амжсан Э.Туул хатагтай тус салоны Италийн лабораторид хөгжүүлсэн Le Muni гэх гоо сайхны брэндийн нүүр царайгаар ч нэрлэгдэж байж. Угаас Э.Туул хатагтайн гоо сайхны нууц Le beautique –тэй салшгүй холбоотой хэмээн ний нуугүй хуваалцдаг.
Орчин цагийн өнгөлөг, мөнгөлөг хүүхнүүд элдэв косметик мэс ажилбар гэхээс илүү натурал, байгалийн гоо үзэсгэлэнгээ хэрхэн урт, удаан хугацаанд барих вэ гэдэгт илүү акцент өгдөг болжээ.
Copyrights © 2026 БҮХ ЭРХ ХУУЛИАР ХАМГААЛАГДСАН. REELNEWS
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.