Энэ намрын топ хуримын эзэд: Монголын хоёрдугаар үеийн баячуудын тэрбум давсан тансаглал!

Хэдхэн жилийн өмнө хөрөнгөлөг баячууд барьж буй гар утас, хөлөглөж буй унаа, амьдарч буй хаусаараа бие биетэйгээ барьцан, өрсөлддөг байжээ. Харин орчин цагт тэдний өрсөлдөөн хэн илүү тансаг, гоё тодотголтой өвөрмөц хурим хийснээрээ зэрэг зиндаагаа тодорхойлдог болсон юмдаг уу даа. Тиймдээ ч энэ намрын топ хуримын эздээр АПУ-гийн өв залгамжлагч Б.Гантиг, УИХ-ын гишүүн Л.Гантөмөрийн охин Г.Ганзаяа, УИХ-ын гишүүн асан Д.Тэрбишдагвын хүү Т.Батбилэг нар тодров. Тэгвэл монголын хоёрдугаар үеийн баячууд хэнтэй, хэрхэн хуримласныг сонжицгооё. 

-АПУ-гийн өв залгамжлагч Б.Гантиг, Б.Биндэрьяа нарын 11 жилийн романстай хурим-

Монголын топ баячуудын эгнээнд АПУ-гийхан зүй ёсоор бичигдэнэ. Тиймдээ ч энэ намрын хамгийн тансаг, сүр дуулиант хуримыг АПУ-гийн Б.Гантиг эхлүүлсэн. Тэрээр сүйт бүсгүй Б.Бидэръяатайгаа 2014 оноос үерхсэн бөгөөд, тоонот гэрт толгой холбоод, тостой тогоонд хошуу холбон 6 жилийг өнгөрүүлжээ. Ийнхүү удтал романсласны эцэст хуримаа хийхээр зэхсэн хоёр аль хавраас эхлэн bachelor party-гаа гадаад орноос авхуулаад тансаг хийж, монголын хоёрдугаар үеийн баячуудын тансаглалыг утгаар нь үзүүлсэн.

-Улстөрчид чуулсан Лу.Гантөмөрийн охины лут хурим-

Сайдад хүргэнээр орж, АНУ-д амьдран Монголдоо инфлюнсер болж мандах болсон бүжигчин Т.Саруултөгс Г.Ганзаяа нар улстөрчдийг цуглуулан жинтэй хуримлалаа. Тэдний хуримд АН-ын гишүүд, УИХ-ын гишүүд, сайд нар зочноор оролцон, Төрийн ордны чуулга уулзалт шиг улс даяар шуугитал нижгэр найрласан. Бүр цаашилбал атаархагчид хүртэл хуримлаж буй хосуудаас илүү уригдсан зочдын хувцас сэлтийг шүүмжлээд амжсан. Сонирхуулахад тансаг, нижгэр, олны анхаарлыг татсан хуримын эзэд европ маягаар бус монгол өв соёлоо шингээсэн дээл гоёл, босоо бичгээрээ тангараг өргөсөн нь олныг баясгасан биз ээ.

-Б.Тэрбишдагвын хүү Б.Батбилэг, инстаграмын од Б.Даваасүрэн нарын мөнгөлөг хурим-

Инстаграм гарч ирснээс хойш хөөрхөн охид ажил хийхээ больж, ердөө гоё зураг, бичлэгээ нийтлэн мөнгө олж амьдардаг гэдэг үг оргүй ч үг лав биш ээ. Тэгвэл инстаграмдаа 164 мянган дагагчтай, гялгар зурагтай, фото модель хийдэг Б.Даваасүрэн нэгэн үеийн жинтэй улстөрч Б.Тэрбишдагвын бэр болов. Тодруулбал Б.Тэрбишдагвын ач хүү Т.Батбилэг гэх гүүглд мөргүй, гэрэлд цохиулаагүй цэмбэгэр цагаан хархүүтэй хуримлалаа. Сүйт хархүү Т.Батбилэг улстөрчийн ач хүү, харин сүйт бүсгүй Б.Даваасүрэн эрхэлдэг ажил нь тодорхойгүй, эгэл даруухан боловч гялгар, гөлгөр зургуудаараа эрчүүдийн хараа булааж байв.

Copyrights © 2026 БҮХ ЭРХ ХУУЛИАР ХАМГААЛАГДСАН. REELNEWS