Монгол соёл уламжлалыг сурталчлах “Монголын нэг өдөр-2” аялан тоглолт Европын 12 орноор тоглолоо
“Монголын нэг өдөр-2” Соёлын өдрүүдийн тоглолт Шведийн Хаант улсын Стоскхолм хотоос Европ дахь аялалаа эхлүүлсэн билээ. Тэгвэл тус аялан тоглолт өчигдөр хаалтаа хийж, амжилттай өндөрлөлөө. Өргөн бүрэлдэхүүн хамруулсан “Монголын нэг өдөр-2” төсөл хоёр дахь удаагаа болж байгаа юм.
Тус тоглолтыг Бельгийн Вант Улс дахь Монгол соёлын төвөөс санаачилж, Европын нийт 12 хотод зохион байгуулжээ.
Тоглолтонд орчин цагийн Монголын соёл урлагийн сор болсон төлөөллүүд оролцсон юм. Тухайлбал найруулагч Анар, төгөлдөр хуурч УГЗ Б.Чинбат, ардын дуучин Б.Алтанжаргал, Д.Бурмаа, бүжигчин Б.Эрдэнэтуяа тэргүүтэй урлагийн элчүүд гоцолсон байна. Мөн "Emotion" хамтлаг, морин хуурч Б.Хонгор, "Mongolia Entertainment"-ын бүжигчид гээд нийт 40 гаруй хүн оролцжээ. Түүнчлэн тоглолтын сэтгүүлч, зурагчнаар Р.Слава ажилласан байна.
Copyrights © 2026 БҮХ ЭРХ ХУУЛИАР ХАМГААЛАГДСАН. REELNEWS
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.