Комедиан Б.Идэр-Одыг интерполын “Хөх булант” зараар эрэн сурвалжилж байна
Тодруулбал, "Их Бит" ХХК-ийн "ІНС" койныг анхдагч зах зээлд гарган хөрөнгө татан төвлөрүүлсэнтэй холбогдуулж, тус компанийн хувьцаа эзэмшигчид болох Б.Гантиг, Б.Эрхэмбаяр, О.Мөнхжин, Б.Идэр-Од нарыг холбогдуулан шалгаж эхэлсэн байдаг.
Зах зээлээс нийтдээ 24 тэрбум төгрөг татан төвлөрүүлж, хамаарал бүхий этгээдүүд буюу хамаатан саднуудаараа дамжуулан 12 тэрбумын өртөг бүхий койныг зах зээлд гаргасан гэж хуулийн байгууллага үздэг.
Шалгалтын ажиллагаа явуулж, О.Мөнхжин, Б.Гантиг, Б.Эрхэмбаяр нарыг цагдан хорьсон. Энэ үед тус компанийн хувьцаа эзэмшигч Б.Идэр-Од хувьцаагаа шилжүүлж, Австрали Улс руу оргон зайлсан байдаг. Тэгвэл Б.Идэр- Одыг интерполын хөх буланд зар мэдээллээр зарласан байна. Энэ зар мэдээ нь тухайн хүнийг хаана байгааг тогтоох зорилготой, олон нийтэд ил харгадаггүй. Тэрээр өнөөдрийг хүртэл шалгагдаагүй, хил дамнан зугтсаар байгаа аж.
Copyrights © 2026 БҮХ ЭРХ ХУУЛИАР ХАМГААЛАГДСАН. REELNEWS
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.