"Гала" хамтлаг 2025 онд тоглолтоо хийнэ
Нэгэн цагт залуусыг байлдан дагуулж, "Хөвгүүн", "Азтай учрал", "Гэнэн дурлал" зэрэг дуугаараа олны хайрыг татаж явсан "Гала" хамтлаг comeback хийхээ зарласан. Тодруулбал энэ ондоо багтаан томоохон тоглолт хийхээ мэдэгдсэн ч тэд тоглолтоо 2025 онд хийхээр төлөвлөжээ.
Гала хамтлаг 2004-2007 оны хооронд уран бүтээлээ туурвисан ч энэ хугацаандаа хоёр цомог гаргаж, нэг удаа бие даасан тоглолтоо хийж, тухайн үедээ л шуугиан дэгдээж байв. Өдгөө хамтлагийн ахлагч Ч.Уранхолбоо өөрийн нэрийн брэндээ хөгжүүлээд зогсохгүй нэртэй инфлюнсер болсон. Харин Г.Болорцэцэгийн хувьд хувийн амьдралдаа анхааран нам гүм амьдарч буй. Содон төрх, уянгалаг хоолой, шинэ имижээр охид, залуусыг хуйлруулж байсан "Гала" хамтлаг ирэх онд шинэ дуу, баримтат кино, пянзтайгаар эргэн ирэх нь.
