Ч.Сайханбилэг “амь орж” О.Цогтгэрэлд амжилт хүсэв
Интерполоор эрэн сурвалжлаад олддоггүй Ч.Сайханбилэг сошиал хуудастаа эргэн ирэв ээ. Тэгэхдээ Ардчилсан намынхаа шинэ дарга О.Цогтгэрэлд амжилт хүсжээ. Тэртээх 2019 оны наймдугаар сард эх орноосоо зугтсан тэрээр өдгөө АНУ-д орогнож буй. Түүний талаар хамгийн сүүлийн үеийн мэдээлэл гэвэл АНУ-ын Колорадогийн "Үнэтэй хороолол"-д сая долларын үнэ бүхий тансаг хауст амьдарч байгаа тухай АНУ-ын хэвлэл мэдээллээр гарсан юм.
АНУ-ын Ерөнхийлөгч Доналд Трамп болсон учир Ч.Сайханбилэг удахгүй эх орондоо ирэх магадлал тун өндөр. Учир нь Д.Трамп Ерөнхийлөгч болсноор дүрвэгч, цагаачдаа цөөлөх бодлогын хүрээнд шинэчлэл хийж байгаа аж. Тодруулбал манай улсаас “Шувуу” ажиллагааны хүрээнд тавьсан, интерполоор эрэн сурвалжилж буй этгээдүүдийг хүлээлгэн өгөх саналд тун нааштай хандаж байгаа гэх мэдээлэл гарсан юм.
Түүнийг хууль зөрчиж Оюутолгойг татвараас чөлөөлсөн, Дубайн гэрээг үзэглэхдээ албан тушаалаа урвуулан ашигласан, "Эрдэнэт"-ийн 49 хувийн хууль бус худалдан авалттай холбогдуулж АТГ-аас шалгаж, 2018 оны дөрөвдүгээр сард баривчилж байв.
Copyrights © 2026 БҮХ ЭРХ ХУУЛИАР ХАМГААЛАГДСАН. REELNEWS
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.