Дүнжингаравын уулзварт зам тээврийн ноцтой осол гарч, хоёр хүний амь эрсэджээ
Баянзүрх дүүргийн 26 дугаар хороонд зам тээврийн ноцтой осол гарч, хоёр хүний амь эрсэджээ.
Тухайлбал, Баянзүрх дүүргийн 26 дугаар хороо буюу Дүнжингаравын уулзвар дээр иргэн Ж-ийн “Honda Insight” загварын суудлын автомашин, иргэн Б-ийн “Toyota Crown” загварын суудлын автомашинууд мөргөлдөж, 58 настай эрэгтэй, 42 настай эмэгтэй нар автомашины төмөр хийцэд хавчуулагдаж, газар дээрээ нас барсан байна.
Энэ тухай дуудлага 2024.06.20-ны 07:05 цагт иржээ. Хэргийн газарт Нийслэлийн Аврах ангийн алба хаагчид ажиллан, цогцсыг гаргаж, Тээврийн цагдаагийн албаны Мөрдөн шалгах хэлтсийн ахлах мөрдөгчид шилжүүлжээ.
