Өнөөдөр өглөөний 11:00 цагийн байдлаар зам тээврийн 157 осол бүртгэгджээ

Ихэнх нутгаар үргэлжилсэн бороо орж, үерийн эрсдэл үүсэж болзошгүй байгаа талаар холбогдох байгууллагуудаас анхааруулж буй. Энэ нөхцөл байдалд зам тээврийн хөдөлгөөн удааширж, түгжрэл саатал мөн үүсээд байгаа юм.

Энэ талаар Тээврийн цагдаагийн албаны Урьдчилан сэргийлэх хэлтсийн ахлах мэргэжилтэн Г.Отгонтамир" Өнөөдөр 11 цагийн байдлаар зам тээврийн 157 осол бүртгэгдээд байна. Цаг агаарын үзэгдлээс шалтгаалан хөдөлгөөний эрчим нэмэгдсэн. Одоогоор хотоос гарах болон орж ирэх хөдөлгөөн хэвийн үргэлжилж байна. Зам хаах нөхцөл байдал одоогоор үүсээгүй.  Гэсэн хэдий ч ойрын өдрүүдэд бороо үргэлжлэн орох төлөвтэй байгаа тул иргэд, жолоочид аль болох суурин байж, хол замд гарахгүй байхыг зөвлөе. Хэрвээ хол замд гарах бол тээврийн хэрэгслийн бүрэн бүтэн байдлаа хангаж гарахыг анхааруулж байна" гэжээ.