ТОДРУУЛГА:ГУРВАН ХҮҮХЭД ЯАРАЛТАЙ ТУСЛАМЖ АВЧ, НЭГ ИРГЭН ХЭВТЭН ЭМЧЛҮҮЛЖ БАЙНА

Улаанбаатар хотод өчигдөр /2025.07.02/ 18:30 минутын орчимд хүчтэй шороон шуурга шуурсны улмаас Төв талбайд байрлуулсан тайз нурж, хүн гэмтсэн ноцтой хэрэг гарсан.

Тодруулбал, шуурганы улмаас Сүхбаатарын талбайд байрлуулсан тайз нурж, таван хүн гэмтэж эмнэлэгийн тусламж үйлчилгээ авчээ. Энэ талаарх мэдээллийг бид Гэмтэл согог судлалын үндэсний төвөөс тодруулахад,

“ГССҮТ болон салбар эмнэлгүүдэд өчигдөр хоёр том хүн, гурван хүүхэд нийт таван иргэн хүргэгдэж ирсэн. Гурван хүүхэд болон өндөр настан яаралтай тусламж үйлчилгээ аваад буцсан бол нэг иргэн салбар эмнэлэгт хэвтэн эмчлүүлж байна” гэлээ