Морины дуучин гэгдэх Л.Нарантуяа залуу дуучдын уран бүтээлийг хулгайлж өөрийн шинэ дуу хэмээн дуулжээ
Тодруулбал Түмэн эх чуулгын гоцлол дуучин Ч.Цэцэгдэлгэрийн “Хүлэг” ,“Хос морьд” дууг дуучин Л.Нарантуяа өөрийн шинэ уран бүтээл хэмээн найр наадамд дуулж яваа тухай дуучин Ч.Цэцэгдэлгэр бухимдан өөрийн цахим хуудсандаа бичжээ.
2019 онд гаргасан “Хүлэг” дууг нь Л.Нарантуяа 2024 онд хийсэн "Наран тамгатай хонгор" тоглолт дээрээ миний шинэ уран бүтээл хэмээн дуулсан байна. Ингээд зогсохгүй клипжүүлж цацаад удаагүй байгаа “Хос морь” дууг нь 7 хоногийн дараа сумын наадамд дуулжээ.
Ийнхүү дуулахдаа ая, хөгжмийн найруулга бүх зүйлийг хуулжээ. Алдарт дуучин Нансалмаагийн бүх дууг дуулж нэрд гарсан Л.Нарантуяа ийнхүү залуу уран бүтээлчдийн морины гэх бүх дууг увиагүйгээр булаан дуулах нь ёс зүйгүй үйлдэл юм.
