100 жилийнхээ ойтой золгож буй Увс аймгийг Сүхбаатарын одонгоор шагнав
Энэ өдрүүдэд Увс аймаг үүсэн байгуулагдсаны түүхт 100 жилийн ой тохиож буй.
Монгол Улсын Ерөнхийлөгч Ухнаагийн Хүрэлсүх ойн баярын хуралд оролцон, ард иргэдэд Тулгар төр байгуулагдсаны 2234, Их Монгол Улс байгуулагдсаны 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104, Ардчилсан хувьсгалын 35, Увс аймаг үүсэн байгуулагдсаны 100 жилийн ойн баярын мэнд дэвшүүллээ.
Монгол Улсын Ерөнхийлөгч орон нутаг болон эх орныхоо хөгжил дэвшилд үнэтэй хувь нэмэр оруулсан иргэдийн хөдөлмөр зүтгэл, бүтээлч үйлс, ач гавьяаг үнэлэн Увс аймгийг Сүхбаатарын одонгоор шагнав.
