Сардаа 30 сая төгрөгийн цалинтай МИАТ-ийн гүйцэтгэх захирал Б.Мөнхтамир гэж хэн бэ
ШУТИС-ийг Бизнесийн удирдлагаар төгсөж улмаар АНУ-д Бизнесийн удирдлагаар магистрын зэрэг хамгаалсан Б.Мөнхтамир МИАТ-ийн гүйцэтгэх захирлаар 2021 онд томилогджээ. Түүний хувьд ОУ-ын агаарын тээврийн холбооны “Агаарын тээврийн удирдлага” курс, Олон улсын агаарын тээврийн холбооны “Агаарын тээврийн хууль” курсийг тус тус төгсжээ.
Түүний ажлын туршлагыг судалбал, 2017-2020 онд “МИАТ” ТӨХК, Гадаад харилцаа, хамтын ажиллагааны хэлтсийн даргаар, 2019-2021 онд НАМЗХ-ны дэд Ерөнхийлөгчөөр ажиллаж байсан бол 2020 оноос “МИАТ” ТӨХК, Захиргаа, хууль эрх зүй эрхэлсэн дэд захирлаар тус ажиллажээ.
Харин АТГ-т мэдүүлсэн ХОМ-тээ жилийн өөрийн орлого 204 сая, гэр бүлийн орлого 10 сая гэж мэдүүлжээ. Түүнчлэн 236 сая төгрөгөөр үнэлэгдэх автомашинтай, Орон сууцгүй, Мөн 54 саяын үнэт эдлэлтэй, 134 саяын зээлтэй хэмээжээ.
