Дэгжин монголжингоо Г.Эрдэнэчимэг амьд тоглолтоо хийнэ

Дэгжин төрх, донжтой хэв маягтай монголжингоо бүсгүй, дуучин Г.Эрдэнэчимэг ирэх сард бие даасан тоглолтоо хийх гэнэ. Тэрээр анх “Шуранхай” хамтлагийн дуучин гэдгээр олонд танигдаж байсан бол сүүлийн үед ардын дууны өнгө аясыг орчин үетэй хослуулан, шинэлэг, содон хэв маягтай этник бүтээлүүд туурвиж буйгаараа алдарших болсон.

Г.Эрдэнэчимэг 2009 онд УИХ-ын гишүүн асан, дуучин С.Жавхлантай гэрлэж, нүүрээ ч буддаггүй, цэвэр ичэмтгий монгол бүсгүйн дүрээр олонтой уулздаг байв. Харин салалтынхаа дараа эрс өөрчлөгдөж, брэндүүдийн нүүр царай, фото моделиор ажиллан жинхэнэ жаргалтай хатны дүрд хувирсан. Удалгүй “Авьяаслаг монголчууд” шоуны шүүгчээр ажиллаж, 2022 онд “Огторгуйн охин” бие даасан тоглолтоо хийн, 21 аймгаар тойрон аялж, “Алтангадас” одон хүртсэн юм. Ийнхүү богино хугацаанд карьераа өндөрт босгож чадсан Г.Эрдэнэчимэг live тоглолтоо дөрөвдүгээр сарын 26-нд Аса аренад хийхээр товлоод байна.