“90 минут тоглоно” гэсэн “T-ARA” хамтлаг ердөө 6 дуу дуулаад тайзнаас буужээ
Сүүлийн жилүүдэд дэлхийн урлаг соёлын алдарт дуучид, жүжигчид, инфлюнсерүүд шил дараалан Монгол улсад ирж буй. Тэгвэл ээлжит уран бүтээлчдээр БНСУ-ын алдартай хамтлагуудын нэг болох “T-ARA” Монголд хоёр дахь удаагаа ирсэн юм. Тоглолт өчигдөр Төв цэнгэлдэх хүрээлэнд болсон ч тэд ердөө 6 дуу дуулаад тайзнаа дахин гарч ирээгүй аж. Угтаа T Ara хамтлагийг тайзнаа 90 минутын турш уран бүтээлээ хүргэх болно гэж маркетинг хийн, тоглолтын тасалбараа ч мөн өндөр үнэтэй худалдсан.
Тухайлбал тоглолтын тасалбар энгийнээс VIP хүртэл 150,000-800,000 төгрөгийн үнэтэй байв. Гэвч тасалбарынхаа үнэд таарсан сэтгэл хангалуун тоглолт бус дуугаралт муу, ердөө 6 дуу, гол хамтлаг бус Монголын улиг болсон дуучид тоглолт дуусгалаа хэмээнд үзэгчид шүүмжилсээр байна.
