ИРГЭН: Скүүтерт мөргүүлчихлээ, нийслэл ямар ч арга хэмжээ авахгүй байна!
Скүүтерт мөргүүлчихлээ. Гэмтлийн эмнэлэгт очлоо. Манай гэмтлийн эмнэлгийн үйлчилгээ ямар сайн юм бэ. Ёстой бүх юм ном журмын дагуу хийгдэж байна. үйлчилгээний зохион байгуулалт зөв, хандаж буй байдал, мэргэжлийн ур чадвар ямар сайныг үзлээ. Хүн ч их юм. Гэрийнхээ дэргэд Номин дэлгүүрийн урд мөргүүлчихдэг юм. Гэхдээ мөргүүлсэн яаж унаснаа санахгүй байгаа юм.
Энэ юуг хэлж байна гэхлээр унахдаа толгойгоороо цементэн зам тас цохиод ухаан балартсан гэсэн үг юм. Үүнийгээ би сүүлд мэдлээ. Толгой өвдөөд байхаар нь гарнаас боллоо гэж бодохгүй юу. Гар дорхиноо хөвдөөд өвдөөд эхэлсэн. Гараараа тулж унадаг юм байна. 6-7 ангийн бололтой хүү би таны хажуугаар өнгөрөх гэтэл... гэнэ ээ. Чи тэгэд чигналддаггүй юм уу би ардаа нүдгүй л гэлээ.
Уучлаарай гэчихээд яваад өгсөн. Ер нь яах учраа олоогүй. Гэмтлийн эмч гарыг мөн толгойн зургийг хоёр проекцоор аваад огих бөөлжих шинж илэрвэл маш яаралтай буцаж ирнэ шүү л гэсэн. Тэгж хэлэхэд нь би толгойгоороо цохиж унаснаа сая ойлгосон. Ухаан балартаар тэр үеэ санадаггүй тул ер нь ямар нэг гэмтлийн үед толгойдоо анхаармаар юм байна шүү. Ингэж гэмтэл авсан, хохирсон улс нэгдэж дуу хоолойгоо нийслэлд хүргэх хэрэгтэй болжээ. Энэ скүүтер цахилгаан унааны талаар бухимдан бичицгээж байгаа ч нийслэл ямар ч арга хэмжээ авахгүй байна. Урсгал сөрж давхиж байна. гурав дөрвөөрөө унаад явж байна. Машин сүлжин давхиж байна. Явган замаар явж байхад гэнэт гэнэт шурхийн өнгөрч байна.
Түүнээс сэргийлэх боломж ер нь алга. Зам өргөн байхад холуур тойроод гарч болно ш дээ. Ийм анхан шатны мэдлэггүй жаахан юмнууд унаад хөдөлгөөнд орж байна. Явах замыг, унах насыг зааж, бага жаахан хүүхэд авч явж байхгүйг журамламаар байна. Цагдаа нар юу ч хэлэхгүй юм. Ийм аюул хаа сайгүй байхад нийслэл таг. Манай нэг зохиолч хөлөө хугалсан дуулдана лээ. Үр хүүхдээ алдсан эцэг эх байж байгаа. мөргүүлсэн шед яах юм тэр хүүхдийг бариад зогсож байх юм уу тооцох хариуцлга хуулинд байнауу гэсэн олон зүйл бодогдож байна.
Иймд та бүхэн нэгдэж нийлэн асуудлыг хүргэмээр байна. Би дуу хоолойгоо нэмэрлэнэ шүү Азаар би гайгүй өнгөрлөө. Тэгээд та бүхэнд хандаж байна. Хот юу ч хийхгүй байна !!! тэд зөвхөн мөнгө харж байна. Мөргүүлсэн нь хохироод мөргөсөн нь ямар ч гэм зэмгүй өнгөрч байна. Яаж унах, яаж явах талаар "А" ч үгүй хүүхдүүд ийм унаа унаад дүрэм номгүй зугаалж, саваагүйтэж явна
