16 настай охины ээж : Миний охины амь насыг хөнөөсөн хэрэгт Э.Ган-Эрдэнэ, Э.Номин-Эрдэнэ нарыг хохирогчоор тогтоосон прокуророос татгалзсан хүсэлтийг минь хүлээн авсангүй
Энэ тухай талийгаач охины ээж н.Отгонтуяа цахим хуудастаа “2025 оны 09 дүгээр сарын 17-ны өдрийн Шүүхийн хэлэлцүүлэг дээр хяналтын прокурор Г.Янжиндулам, Г.Баясгалан нар хэлэхдээ "Энэ хэрэг буцсан ч Э.Ган-Эрдэнэ, Э.Номин-Эрдэнэ нарыг яллагдагчаар татахгүй" гэж бардам хэлж байсан. Эдгээр прокуроруудаас татгалзах миний хүсэлтийг Нийслэлийн прокурор дахин хүлээн авсангүй. Одоо цаашид охины минь хэрэг үнэн зөв шийдэгдэнэ гэдэгт миний бие итгэл алдарч байна.
Э.Ган-Эрдэнэ, Э.Номин-Эрдэнэ нарыг яллагдагчаар татахгүй гэж улаан цайм шүүх танхимд хэлээд байгаа прокурорууд энэ 2-той ашиг сонирхлын зөрчилгүй гэж Нийслэлийн прокурор үзээд байгааг ойлгохгүй байна. Охин минь ээждээ туслаарай” гэжээ.
