Ж.Чинбүрэн: 2026 оны нэгдүгээр сараас эрүүл мэндийн салбарын эмч, ажилчдын цалинг 30 хувь нэмж, ондоо багтаан 3 сая болгох ба 2027 онд 3,5 сая төгрөгт хүргэнэ

Засгийн газрын ээлжит хуралдаанаас гаргасан шийдвэрийг танилцууллаа. 

Энэ үеэр Эрүүл мэндийн сайд Ж.Чинбүрэн олон нийтэд хандан мэдээлэл өглөө.

Тэрбээр "Өнөөдрийн Засгийн газрын хуралдаанаар Эрүүл мэндийн салбарын үйлдвэрчний эвлэлийнхний цалин нэмэгдүүлэх шаардлагын дагуу уг асуудлыг хэлэлцэж, харилцан гурван талт хэлэлцээртээ оръё гэдэг шийдвэр гаргасан.

Цалинг хоёр үе шаттайгаар нэмэгдүүлж, 2027 ондоо багтаж эмч эмнэлгийн ажилтнуудын цалинг 3 саяд хүргэх, 2027 оноос 3.5 саяд хүргэх саналыг гаргаж байгаа.Эхний ээлжид цалинг 15 хувиар нэмэгдүүлэх боломжтой байгаа.

Одоо байгаа 1.1 саяын үндсэн цалин нэмэгдэж 2 сая 40 мянга, залуу эмч нарын цалин 1.4 сая байгааг 2026 оны 1 сарын 1-ээс 1.9 сая болно. Харин 75 хувиар нэмсэний дараа 2.5 сая болж, хамгийн дээд ангилалд одоо байгаа 1.8 саяын цалин 2.3 сая болж, 75 хувь нэмсэний дараа 3.1 сая төгрөг болох юм.

Төсвөөс 191 тэрбумыг даатгалын сан руу гаргаж, Даатгалын сангийн зардал 2.1 их наяд болно. Ингээд үргүй зардлаа хэмнэж 157 тэрбумыг цалингийн нэмэгдэл зарцуулах юм.

Эрүүл мэндийн салбарын үйлдвэрчний эвлэл рүү цалинг дээрх байдлаар нэмэгдүүлэх саналаа яг одоо явуулах гэж байна" гэв.