Ханиад томууны дэгдэлт их байгаа тул ЭМЯ-наас сурагчдын амралтад өөрчлөлт оруулах санал гаргалаа
Ханиад томуу ихэсч, эмнэлгүүд ачааллаа дийлэхгүй, томуугийн өвчлөлөөр хүүхдүүд маш хурдан хүндэрч буй тул өчигдөр /2025.11.23/ ЭМЯ-ныхан шуурхай хуралдсан байна. Хуралдаанаар сурагчдын амралтад өөрчлөлт оруулах асуудлыг хэлэлцэж уг саналаа Боловсролын яаманд хүргүүлсэн байна.
2025-2026 оны хичээлийн шинэ жилийн өвлийн амралт ирэх сарын 15-наас эхлэх хуваарьтай.
Тодруулбал,
НИЙСЛЭЛ:
- Бага анги: 12 дугаар сарын 15-ны өдрөөс эхлэн зургаан долоо хоног амарч, нэгдүгээр сарын 26-ны Даваа гаригт хичээл эхэлнэ
- Дунд анги: 12 дугаар сарын 22-ны өдрөөс эхлэн таван долоо хоног амарч, нэгдүгээр сарын 26-наас хичээл орно.
- Ахлах ангийн сурагч: 12 дугаар сарын 22-ноос амарна. Амралтын сүүлийн долоо хоногт цахимаар хичээллэнэ.
ОРОН НУТАГ:
- Бага анги: 12 дугаар сарын 15-ны өдрөөс эхлэн таван долоо хоног амарч, нэгдүгээр сарын 19-ны Даваа гаригт хичээл эхэлнэ.
- Дунд анги: 12 сарын 22-ны өдрөөс эхлэн дөрвөн долоо хоног амарч, нэгдүгээр сарын 19-ноос хичээл орно
- Ахлах анги: 12 сарын 22-ноос амарч, нэгдүгээр сарын 19-нд хичээл эхэлнэ. Амралтын сүүлийн долоо хоногт цахимаар хичээллэнэ.
Харин сурагчдын амралтад өөрчлөлт оруулах эсэхийг Боловсролын яам шийдэх юм.
