52 дугаар сургуулийн хичээлийн төв байр болон өргөтгөлийг холбосон барилга ашиглалтад оржээ
Хан-Уул дүүргийн 1 дүгээр хороонд байрлах ерөнхий боловсролын 52 дугаар сургуулийн хичээлийн төв байр болон өргөтгөлийн барилгыг холбосон хүзүүвч барилга ашиглалтад оржээ.
Тус хүзүүвч нь нийт 273.2 ам.метр талбайтай, тэнхлэгээрээ 26.22 x 140.42 метр хэмжээтэй бөгөөд металл карказ хийцлэлтэй, төмөр бетон хучилттай, шил болон металл хавтан өнгөлгөөтэй, эрдэс чулуун хөвөн дулаалгатай барилга юм. Энэхүү бүтээн байгуулалтыг дүүргийн төсвийн хөрөнгө оруулалтаар “Өлке Констракшн” ХХК гүйцэтгэж, нийслэлийн Хөрөнгө оруулалтын газар захиалагчийн хяналтыг хэрэгжүүлэн ажиллалаа.
