СУРАГЧИД ХҮНИЙ ЭРХИЙН ТУХАЙ МЭДЛЭГ ОЙЛГОЛТОО НЭМЭГДҮҮЛЭВ

Хүний эрхийн Үндэсний Комисс, Хан-Уул дүүргийн ИТХ-тай байгуулсан 2025 онд хамтран ажиллах төлөвлөгөөний дагуу ерөнхий боловсролын сурагчид болон багш нарт хүний эрхийн асуудлаар мэдээлэл өгөх, санал солилцох уулзалтуудыг үе шаттайгаар зохион байгуулж байна.

Энэ хүрээнд тус дүүргийн 52 дугаар сургуулийн ахлах ангийн сурагчид Хүний эрхийн Үндэсний Комиссын үйл ажиллагаатай танилцлаа. Сурагчид комиссын үйл ажиллагаатай танилцахаас гадна хүний эрхийн тухай суурь ойлголт, хүний эрхийг яагаад хамгаалах ёстой, хүний эрх гэж юу болох талаар мэдээлэл өгч хэлэлцүүлэг өрнүүлж хүүхдүүдийн асуултад хариулт өгсөн байна.