Тамаваши Б.Мөнх-Оргилын амжилтыг Гиннесийн номд бүртгэлээ
Японы мэргэжлийн сумо бөхийн дээд зиндаанд барилдаж буй маэгашира Тамаваши Б.Мөнх-Оргилын амжилтыг Гиннесийн 2026 оны шинэ дугаарт “Most consective sumo bouts” буюу “Сумод хамгийн олон дараалан барилдсан” гэж бүртгэжээ. Тэрээр өнгөрөгч сарын барилдааныг долоо даваа, найман унаатай өндөрлүүлсэн.
Тамаваши Б.Мөнх-Оргил 2004 оны нэгдүгээр сараас эхлэн башё өнжилгүй барилдаж 1748 барилдаан хийжээ. Өдгөө 41 настай түүний хувьд мэргэжлийн сумод 21 жил барилдахдаа макүүчид хоёр, жюүрёо, макүүшитад тус бүр нэг түрүүлснээс гадна тусгай шагналыг таван удаа хүртсэн байна. Тамаваши Б.Мөнх-Оргил хоёр дахь түрүүгээ 37 нас 10 сартайдаа xүртсэнээр Кёкүтэнxо Н.Цэвэгнямын 37 нас найман сартайдаа дээд зиндаад түрүүлсэн амжилтыг шинэчлэн тогтоосон билээ.
Б.Мөнх-Оргил Гиннесийн номонд амжилтаа бүртгүүлсэн Монголын xоёр даxь сумоч болов. Түүнээс өмнө 69 дэх их аварга Хакүхо М.Даваажаргал мэргэжлийн сумод түрүүлсэн, даваа гэсэн нийт таван амжилтаа Гиннесийн номонд бичүүлсэн юм.
Тамаваши Б.Мөнх-Оргил энэ сард Нагасакид тойргийн барилдаанд оролцож байна. Түүний хувьд ирэх оны башёд энэ амжилтаа ахиулах бүрэн боломжтой юм.
