Зохиол "хулгайлсан" “Х ТҮЦ” хамтлаг шүүхэд дуудагдлаа
Хошин урлагийн “Х Түц” хамтлаг хулгайн хэрэгт орооцолдов. Учир нь тус хамтлагийн “Базарваань”, “Дэлхий даахгүй баян” нэртэй инээдмийн кино контент нь угтаа Төрийн шагналт, зохиолч Ц.Доржготовын өгүүллэг, тууж гэнэ. Түүний бичсэн өгүүллэг, туужийг хуулбарлаж, контент бүтээн, түмэнд түгээсээр иржээ. Ингэхдээ зохиогчоос нь нэг ч зөвшөөрөл аваагүй гэнэ.
“Х ТҮЦ”-ийн зохиол хулгайлах явдал ганц удаагийнх биш учраас СГЗ Ц.Доржготов Н.Онон, И.Одончимэг нарыг шүүхэд өгчээ. Үүгээр ч зогсохгүй оюуны өмчийн газарт давхар гомдол гаргажээ.
