ЗАСГИЙН ГАЗРЫН ХЯНАЛТ ХЭРЭГЖҮҮЛЭХ ГАЗРЫН ДАРГА Б.БАТЦЭЦЭГ ОЛОН УЛСЫН ХАРИЛЦАА ХОЛБООНЫ (ITU) БАЙГУУЛЛАГЫН АЗИ НОМХОН ДАЛАЙН БҮСИЙН УДИРДЛАГУУДТАЙ УУЛЗАЛТ ХИЙЛЭЭ

Уулзалтын хүрээнд ЗГХХГ-аас хэрэгжүүлж буй зарим арга хэмжээний тухай товч танилцуулгыг хийлээ.
Танилцуулгаар:
– Төрийн байгууллагуудад процессын дахин инженерчлэлийг холбогдох аргачлал боловсруулан хийсэн бөгөөд энэ нь сайн засаглалыг бэхжүүлж, бүтээмжийг нэмэгдүүлэхэд мэргэжил, арга зүйн удирдлагаар хангах чиг үүрэгтэй байсныг танилцууллаа. Одоо процессын пахин инженерчлэлд гурван яам, түүний харьяа газрууд, мөн ЦЕГ түүний харьяа 11 алба гэх мэт 20 орчим байгууллага аргачлал боловсруулан хийгээд байгаа юм.
– “Засгийн газрын харьяа төрийн болон нутгийн захиргааны байгууллагын нийтлэг чиг үүргийг хэрэгжүүлдэг нэгжид чиг үүргийн шинжилгээ хийж цаашид хэрэгжүүлэх арга хэмжээний санал боловсруулах” ажлын хэсэгт хамтран ажиллаж нийт 600 гаруй төрийн байгууллагад чиг үүргийн шинжилгээ хийж ажиллахаар төлөвлөгөө гаргаж, ажил эхэлсэн.
– Төрийн байгууллагын цахим шилжилтийн хүрээнд цахим шилжилт, дэвшилтэт технологи нэвтрүүлэхтэй холбоотой судалгаа, шинжилгээ хийх, сайжруулах асуудлаар санал, дүгнэлт боловсруулахаар ажлын хэсэг гарган: Эрүүл мэндийн яам, Нийгмийн даатгалын ерөнхий газар, Улсын бүртгэлийн ерөнхий газар, Боловсролын ерөнхий газар, Татварын ерөнхий газар, Нийслэлийн Засаг даргын Тамгын газрын нийт 8 үйлчилгээг сонгон ажиллаж байна.
Цаашдаа дээрх чиглэлүүдэд албан хаагчдыг сургаж мэргэшүүлэх, шинэ туршлага судлуулах шаардлагатай байгаа талаар санал солилцлоо.

Хатагтай Ацүко Окүда – Олон Улсын Харилцаа Холбооны Холбооны (ITU) байгууллагын Ази Номхон Далайн бүсийн захирал

Бүс нутгийн дижитал холболт,тэгш хүртээмжтэй технологийн хөгжилийг хангах, дэд бүтцийн бэхжилтэд чиглэсэн олон улсын хөтөлбөрүүдийг удирдан ажиллаж байна. Тэрээр өмнө нь НҮБ-ын Ази, Номхон далайн Эдийн засаг, Нийгмийн Комисст дижитал хөгжлийн стратеги, бүсийн өргөн зурвасын сүлжээний санаачлагыг удирдан ажиллаж байсан.

Ноён Набхонил Рой Чоудхури– Олон Улсын Харилцаа Холбооны Холбооны (ITU) байгууллагын төслийн ахлах менежер

Набхонил Рой Чоудхури нь улс орнуудад дижитал засгийн газрын санаачилгуудыг, тэр дундаа GovStack-ийн хэрэгжилтийг хариуцан ажилладаг. Тэрээр стратеги, бодлого, техникийн хүрээ боловсруулах чиглэлээр мэргэшсэн бөгөөд GovStack-ийн модульд суурилсан хэрэгжилтийн төлөвлөгөө гаргах, тэргүүлэх чиглэлүүдийг боловсруулахад дэмжлэг үзүүлдэг. Тэрээр өмнө нь DIGIT-ийн стратегийн менежер, Deloitte NY-ийн стратегийн зөвлөх, Infosys R&D-ийн инженер, бүтээгдэхүүний менежерээр ажиллаж байсан туршлагатай.