Б.Эрдэнэсүхийн хүүгийн багш: Б.Эрдэнэсүх сургууль дээр ирж "Гэртээ ирэхгүй байгаа нөхрийн сурах гэж юу байдаг юм, гаргаад ир" гэснээс болж, сурагч маань сургуулийн 4 давхрын цонхоор бууж, зугтааж байсан
НИТХ-ын төлөөлөгч Б.Эрдэнэсүх гэр бүлийн хүчирхийллийн хэргээр саатуулагдаад байгаа бөгөөд түүний хүү Э.Оч-Эрдэнэ гэр бүлд нь хүчирхийлэл байсан тухай, сургуулиас нь аав нь гаргасан тухай, ээжийг нь үг хэлээр доромжилж, зоддог байсан тухай манай сайтад ярилцлага өгч байсан юм.
Гэвч энэ мэдээллийн дараа Б.Эрдэнэсүх хүүгийнхээ мэдэгдлийг үгүйсгэсэн. Тэгвэл хүүгийн багш "Э.Оч-Эрдэнийн ярьсан бүх зүйл үнэн. Хүү хичээлдээ сонирхолтой, хамт олонтойгоо маш нийтэч байсан ч Б.Эрдэнэсүх хүчээр сургуулиас нь гаргасан.
Сургууль дээр ирээд "Ангиас гаргаад ир, гэртээ ирж хонохгүй байна, тийм нөхөр сурч чадахгүй, өөр сургууль руу шилжүүлнэ" гэж дарамталдаг байсан" гэлээ.
