“Эрдэнэт” үйлдвэрт гарсан ослын шалтгааныг тогтоохоор ажлын хэсэг байгуулан, ажиллаж эхэлжээ
“Эрдэнэт” үйлдвэр ТӨҮГ-ын Ил уурхайд 2026 оны нэгдүгээр сарын 7-ны өдөр үйлдвэрийн осол болж, ажил үүргээ гүйцэтгэж байсан ажилтан амь насаа алдсан талаарх мэдээлэл цацагдсан. Тэгвэл уг ослын нөхцөл байдал, учир шалтгааныг тогтоохоор Орхон аймгийн Цагдаагийн газар, Прокурорын газар, хууль хяналтын байгууллагууд, Үйлдвэрийн газрын Гамшгаас хамгаалах штаб, Үйлдвэрлэлийн осол, хурц хордлогыг судлан бүртгэх орон тооны бус байнгын комисс ажиллаж эхэлжээ.
Мөн “Эрдэнэт” үйлдвэр ТӨҮГ-ын зүгээс талийгаачийн гэр бүлд үзүүлэх бүх төрлийн тусламж, дэмжлэгийг хуулийн хүрээнд шийдвэрлэн ажиллах болно гэдгээ мэдэгдсэн байна.
