Эрүүл амьдрал: Мах, өөх тос түлхүү хэрэглэхийг зөвлөв
АНУ хоол, тэжээлийн шинэ удирдамж хэрэгжүүлж эхэллээ. Олон орны хүмүүс өөх тос, мах, цагаан гурил, будаанаас айдаг бодоод багагүй хугацаа өнгөрсөн. Цусан дахь муу өөх тосны эх сурвалж гэсэн утгаараа тэр. Тэгвэл АНУ-ын холбогдох байгууллагынхны зөвлөснөөр уураглаг бүтээгдэхүүн, тэр дундаа мах, өөх тосны хэрэглээг нэмэгдүүлэх нь эрүүл мэндэд тустай.
Америкчууд хоолны дэглэм, орц найрлагадаа эрс өөрчлөлт хийх шаардлагатай байгааг 2025-2030 оны хоол, тэжээлийн удирдамжид тусгасан талаар “Нью Йорк таймс” сонин мэдээлэв.
"Жинхэнэ хүнс" буюу мах, сүүн бүтээгдэхүүн, эрүүл өөх тос зэрэгт анхаарлаа хандуулж, хэт боловсруулсан хүнс болон нэмэлт элсэн чихрийн хэрэглээг эрс багасгахыг уриалсан нь өмнө зөвлөмжөөс тэс өөр байна. Тодруулбал, хоол, тэжээлийн гурвалжин урвуугаа харжээ гэж тайлбарлажээ.
Өмнөх зөвлөмжид жимс, хүнсний ногоогоор баяжуулсан үр тариа, талхыг нэн тэргүүнд тавихыг зөвлөсөн бол шинэчилсэн жагсаалтад эдгээр нь хамгийн доод хэсэгт бичигджээ. шилжүүлсэн. Шинэчилсэн хүнсний пирамидын уриа нь "Жинхэнэ хоол идээрэй". Энэ нь боловсруулсан хоол хүнснээс ихээхэн хамааралтай болсон америкчуудад тулгарч буй хоол, тэжээлийн гажуудлыг засах оролдлого юм.
Ийм гэнэтийн өөрчлөлт хийхэд нөлөөлсөн хүн нь “бага” хэмээдэг Роберт Фрэнсис Кеннеди Жуниор буюу АНУ-ын Эрүүл мэнд, нийгмиййн дэг. Үндэсний хэмжээний асуудал болсон таргалалт цэргийн албанд элсэхэд хүндрэл учруулж байгааг Пентагоны нарийн бичгийн дарга Пит Хегсет ч албан ёсоор мэдээлж байсан удаатай. АНУ-ын хоол, тэжээлийн удирдамж нь Засгийн газрын баримт бичиг бөгөөд таван жил тутамд шинэчилдэг. Үүнд бүх насныхны өдөр тутмын хоол тэжээлийг тодорхойлсон байдаг. “Атлантик” сонинд мэдээлснээр эдгээр удирдамж нь сая сая хүүхэд сургуулийн цайны газарт өдөр бүр юу иддэгийг тодорхойлдог. Кеннедигийн өөрчлөлтүүдийн гол нь АНУ ханасан өөх тосыг хэрхэн үздэг талаар үндсэндээ дахин эргэцүүлэн бодох явдал юм. Хэдэн арван жилийн турш хоолны дэглэмийн удирдамжид өөх тос өдөр тутмын илчлэгийн 10 хувиас хэтрэхгүй байхыг зөвлөж ирсэн, гэтэл одоо эсрэгээрээ. Хэвлэлийн хурлын үеэр Кеннеди “Шинэ удирдамж ханасан өөх тосны эсрэг дайныг зогсооно" гэж мэдэгдлээ. Уг удирдамжид үхрийн өөх тосыг "эрүүл өөх тос" гэж хүлээн зөвшөөрч, америкчууд уургийнхаа нэг хэсгийг улаан махнаас авах ёстой гэж заажээ.
Мөн удирдамжид анх удаа хэт боловсруулсан хоол хүнснээс зайлсхийхийг тодорхой заасан бөгөөд үүнийг "өндөр боловсруулсан хоол хүнс" гэж нэрлэжээ. Үүний зэрэгцээ нэмэлт элсэн чихрийн эсрэг онцгой хатуу байр суурь баримталж удирдамжаа боловсруулсан аж.
