Б.Баярмаа: Манай гэр бүл болон хамаатан садан уг хэрэгт холбогдогчтой ямар нэгэн байдлаар огт холбоогүй болохыг албан ёсоор хариуцлагатайгаар мэдэгдье

Бусдын гарт хэрцгийгээр амиа алдсан 16 настай охины хэрэгт холбогдсон Ц.Дагвадорж нь Ерөнхийлөгч асан Н.Багабандийн зээ гэх мэдээлэл цахим орчинд нийтлэгдсэн. Үүнтэй холбоотойгоор Н.Багабандийн охин Б.Баярмаа мэдэгдэл гаргажээ. 

Тус мэдэгдэлд, Сүүлийн өдрүүдэд 16 настай охины амь насыг онц хэрцгийгээр жигшүүрт гэмт хэргийн талаарх мэдээллүүд олон нийтийн сүлжээгээр идэвхтэй тархаж байна. Юун түрүүнд тухайн хэргийн хохирогч болно ар гэр, ойр дотныхонд гүн эмгэнэл илэрхийлье. Олон нийтийг цочроосон уг хэрэгт хамааралгүй хүмүүсийг зориуд холбогдсон байдлаар худал мэдээлэл бэлтгэн, нийгмийн сүлжээгээр тарааж байгаад гүнээ харамсаж байна.

Тодруулбал, уг хэрэгт яллагдагчаар татагдаад байгаа этгээдтэй иргэн Б.Баярмаа миний хүү хэмээн илт худал, санаанд оромгүй мэдээллийг олон нийтэд тарааж байгаад туйлын гайхаж, цочирдлоо. Манай гэр бүл болон хамаатан садан уг хэрэгт холбогдогчтой ямар нэгэн байдлаар огт холбоогүй болохыг албан ёсоор хариуцлагатайгаар мэдэгдье. Олон нийтийг худал мэдээллээр төөрөгдүүлсэн энэхүү үйлдлийг хууль, хяналтын байгуулагад шалгуулж, холбогдох арга хэмжээг авах болно. Багабандийн Баярмаагийн гэр бүл" гэжээ.