Гандантэгчэнлин хийдийн Тэргүүн их хамба Д.Жавзандорж бурхны шашны ТББ-ын төлөөлөгч нартай уулзлаа

МБШ Төв-Гандантэгчэнлин хийдийн Тэргүүн их хамба, Хамба номун хан, гэвш лхаарамба Д.Жавзандорж бурхны шашны төрийн бус байгууллагуудын төлөөлөгч нартай уулзаж өнөөгийн шашны харилцаа болон бодлогын түвшний санал бодол солилцлоо.

Тус уулзалтаар олон нийтийн ёс суртахууны хэм хэмжээнд соён гэгээрүүлэх, нийтэд сэтгэл санааны амар амгаланг бий болгох зэрэг нийгэмд хүрэх асуудалд урт хугацааны менежментээр ажиллах цаашлаад ерөнхий боловсролын сургуулийн хүүхдүүдэд зориулагдсан бясалгалын орчин үеийн хөтөлбөр боловсруулах зэргийг чухалчлан авч үзлээ. Мөн хийд орнуудын урлахуйн сэргээн засвар, цэцэрлэгжүүлэлт, тохижилт зэргийг тодотгон ярилцлаа. Энэхүү бодлогын түвшний үйл ажиллагааг МБШ Төв-Гандантэгчэнлин хийдийн ОНХА зохион байгуулж тодорхой үр дүн гаргахаар шуурхай ажиллаж байна.