С.Шаарийбуу: Тэмцэлгүй үр дүн гэж байхгүй. Малайзын дээд шүүхэд давах баримтаа бүрдүүлж өгөхөөр явах гэж байна
2007 онд Монгол Улсын иргэн Ш.Алтантуяаг Малайзад онц хэрцгийгээр хөнөөсөн хэргийн давж заалдах шүүх хурал өнгөрсөн 1-р сарын 20-нд болж, Малайзын шүүхээс ЗГ-аа буруугүй гэж үзэн, С.Шаарийбууд олгох 5 сая ринггитийн нөхөн төлбөрийг 1.38 сая болгож бууруулахаар шийдвэрлэсэн байдаг.
Тэгвэл Ш.Алтантуяа агсны аав С.Шаарийбуу Малайзын дээд шүүхэд хандахаар явж буйгаа мэдэгдлээ. Тэрбээр цахим хуудаснаа "Малайзын Дээд шүүхэд давж заалдах материалаа өгөхөөр явах гэж байна.
14 хоногийн өмнө яваад ирсэн. Зүдрэлгүй үйлдэл гэж үгүй. Тэмцэлгүй үр дүн гэж байхгүй. Малайзын дээд шүүхэд давах баримтаа бүрдүүлж өгөхөөр явах гэж байна. Энэ намар, өвөл 5 дахиа явах боллоо" гэжээ.
