Б.Ганчимэг: О.Сийлэгмаа энэ удаа БЗС-аас тэтгэлэг авч, хангалтгүй голчтой сурсан хүүхдүүдийн асуудлыг хөндөөд арьсаа хуулуулж байна
БЗС-ийн дарга асан О.Сийлэгмаа энэ оны эхээр ёс зүй зөрчсөн хэмээн ажлаасаа халагдсан байдаг. Түүний хувьд Боловсролын сайд П.Наранбаярыг БЗС-ийн журам зөрчсөн, тушаал гаргасан хэмээн шүгэл үлээгээд байв. Мөн БЗС-аас тэтгэлэг авсан хүүхдүүд хангалтгүй голчтой суралцаж, сангийн мөнгийг үнэгүйдүүлээд байгаад байр сууриа илэрхийлсэн. Тэгвэл түүний талаар сэтгүүлч Б.Ганчимэг цахим хуудастаа дараах байр суурийг илэрхийлжээ.
Тэрбээр "Өнөөдөр БЗС ( Боловсролын Зээлийн Сан) - гийн Ажлын албаны дарга О.Сийлэгмааг буллид шидэж өгч байгаа юм байна.
Өнөөдөр та бидний нүдэх хүн
Гадны өндөр зэрэглэлийн их дээд сургууль, коллежид тэнцсэн хүүхдүүдэд БЗС- аас сургалтын төлбөр өгдөг. Харин очоод хангалтгүй голчтой сурсан хүүхдүүдийн асуудлыг хөндөөд энэ удаа арьсаа хуулуулж байна.
Түүнийг доорх зүйлд буруутгаж байна.
Ер нь бол хашиж буй албаны мэдээллүүдээ ил болгож, төрийн мөнгийг эргэж төлүүлэх талаар шүгэл үлээж гарч ирсэн гэж…
Мөн үүгээрээ олонд танигдаж улс төрд орох зорилготой гэж…
Мөн хувийн зан суртахууны доголдол гаргасан гэж…
Одоо Ерөнхийлөгчийн тэтгэлэг аван алсыг зорьсон зарим хүүхдүүдийн сурлагын үзүүлэлт яамнаас нь мөрдөхөөр гаргасан журам хоёр зөрчилдөж мөнөөх О.Сийлэгмааг эцэг эхчүүд жинхэнэ урж байна.
Харин тэр Гадаадад төрөөс тэтгэлэг авч явсан суралцагсад гэрээний заалтаа биелүүлэхгүй байна! гэж хэлж байна.
Тэр бол:
Боловсролыг яамнаас гаргасан журам, гэрээнүүдийн шаардлагыг хангуулж ажиллах үүрэгтэй ажилтан.
Журмыг ажлын албаны дарга гаргадаггүй байх.
Хамгийн сүүлд О.Сийлэгмаа “ Нэг хүнд нэг тэрбум төгрөг зарцуулж байна” хэмээн зарлаад байна.
Энэ мэдээлэл тэтгэлэг авч чадаагүй хэсгийнхэн, ер нь л сошилд өндөг шидэж, шавар шавхайгаар булах ажил хийдэг хэсэгт өгөөш болж байгаа нь ил харагдана.
Харин Аудитын газрын шалгалтын дүн энэ байна.
Боловсролын зээлийн сангаас 2017–2024 оны хооронд Дэлхийн шилдэг их сургуульд суралцах 452 хүнд нийт 22.1 сая ам.долларын зээлийн санхүүжилт олгосон.
Үүнээс 312 иргэн суралцаж төгссөн бөгөөд тэдгээрийн 13 нь буюу 309.7 мянган ам.долларын зээлийн эргэн төлөлтөө хийсэн. Энэ нь суралцаж төгссөн иргэний 1.5 хувийг эзэлж байна… гэжээ.
Боловсролын яамны Ёс зүйн хорооны шийдвэрээр О.Сийлэгмааг он гармагц ажлаас нь чөлөөлсөн байдаг.
Тэрбээр өөрийн цахим хуудсандаа "Eрөнхийлөгчийн илгээлтийг өвөрлөн, 2025 оны намар Сайдын 2025 оны тушаалаар гадаадад сурахаар явсан хүүхдүүдийн зарим нь журам, тушаалд заасан голч дүнгийн 75 хувьд хүрэхгүй хангалтгүй сурсан ч БЗС-аас хүнсний зардал, дотуур байр, сургалтын төлбөрөө авах гэнэ.
Засгийн газрын тогтоол , журмаас давсан Боловсролын яамны дарга нарын үгээр БЗС-ийн даргын үүргийг түр орлон гүйцэтгэгч татвар төлөгчийн мөнгийг үр ашиггүй зарцуулах нөхцөл бүрдүүлж байна.
Дунджаар нэг хүүхэд 1 тэрбум төгрөгөөр сурч байгаа. Энэ нь эрх мэдлээ хэтрүүлэн дураараа аашилж буй асуудлаар Авлигатай Тэмцэх Газар хэрэг үүсгэн шалгаж буй эсэх. Энэ нь БЗС-д өмнө нь үүссэн хэрэг давтагдаж буйн жишээ боллоо" хэмээсэн бичсэн юм. Харин үүнийг үгүйсгэж Боловсролын зээлийн сангаас мэдэгдэл гаргаад байна." гэж бичжээ.
