"Ачит ихт" ХХК энэ оны хагас жилийн байдлаар улсад 416 тэрбум төгрөгийн татвар төлжээ

Ачит-Ихт ХХК нь Эрдэнэт үйлдвэр ТӨҮГ-ын хөвүүлэн баяжуулах технологид тохирохгүй, байгаль орчинд сөрөг нөлөө үзүүлж, үнэт чанараа алдаж байсан холимог хүдрийн үүсмэл ордын нөөцийг гидрометаллургийн аргаар уугсаж, эдийн засгийн эргэлтэд оруулан, Лондонгийн металлын биржийн А зэрэглэлийн 99,9 хувийн цэвэршилттэй катодын зэсийг 8 дахь жилдээ үйлдвэрлэн гаргаж буй. 

“Ачит Ихт”-ийн хувьд бусдаас ялгаатай нь ямар ч ашигт малтмалын лиценз, наймаа арилжаа байхгүй. Өөрөөр хэлбэл, “Эрдэнэт” үйлдвэрийн ашиглах боломжгүй, “балансын бус” гэж нэрлэгддэг ядуу агуулгатай овоолгыг үйлдвэрт төлбөр төлж ашигладаг. 

Тэгвэл "Ачит ихт" ХХК 2025 оны эхний хагас жилд улсад 416,5 тэрбум төгрөгийн татвар төлжээ.