22-ын шинэ авто төв гэж нэршсэн Олон улсын худалдаа ложистикийн төвд хөл хөдөлгөөн ихтэй байна
22-ын шинэ авто төв гэж нэршсэн Олон улсын худалдаа ложистикийн төвд хөл хөдөлгөөн ихтэй байна. Нэг хэсэг Да хүрээ захыг хотын зах руу шилжүүлнэ гэсэн үлгэрийн мөрөөдөл хэмээн домог болохоо шахсан энэ зах үнэндээ ч нэг хэсэг ажин түжин, хүн ч тоодоггүй айлын шоовдор хүүхэд шиг байсан нь үнэн. Харин сүүлийн 2,3 илт идэвхжиж, машин тэрэг нь ч багтахаа больж байгаа, цаашдаа бүр ч өргөжин тэлэх төлөвтэй. Дарга С.Мөнхбат 2021 оны намар эндхийн захирлаар томилогдсоноосоо хойш сүрхий өөд нь татаж байгаа гэлцэх. Байгуулагдаад 10 жил болж буй. 10 жил ээ гэж гайхах хүн олон байгаа нь ч аргагүй. Сүүлийн үед л чих чимээ татах болсон болохоор. Одоо харин эднийхээс чихэнд чимэгтэй олон мэдээлэл сонсогдох бололтой. Хэдхэн хоногийн өмнө энд олон улсын дрифтчидийн том шоу болж, Япон, БНХАУ-аас супер машинтай тамирчид ирж оролцон доргиосон бол өчигдөрхөн өөдлөх айл үүднээсээ хэмээн Төрийн далбаа залах ёслол үйлдэж, Тэрбум мод аянд нэгджээ. 10 жилийнхээ ойд зориулан 10 чухал ажил хийж, эхнээсээ ББСБ-гийн хөнгөлөлт үзүүлэх гэх мэт олон ажил хийж байгаа аж.
