Хүүхдийн баяраар үзэх хөөрхөн тоглолтууд
Манай улс 1952 оноос зургадугаар сарын 1-ний өдрийг Хүүхдийн баярын өдөр болгон тэмдэглэж ирсэн. 1995 оноос Эх үрсийн баяр болгосон ч иргэдийн санал хүсэлтийн дагуу 2003 оноос дахин Хүүхдийн баяр болгон тэмдэглэж байна.
Эл өдрийг тохиолдуулан зохион байгуулах хүүхэд багачуудад зориулсан тоглолт, арга хэмжээнүүдийг танилцуулъя.
“Арслан хүлэгт баатар” хүүхдийн жүжиг
Ухаант мэргэн хүүгийн адалт явдлаар дүүрэн аялалд аймшигт Рах мангасаас хэрхэн үзэсгэлэнт гүнжийг аварч буй тухай өгүүлнэ.
Зохион байгуулагч: Улсын хүүхэд залуучуудын театр
Хаана: Улсын хүүхэд залуучуудын театр
Хэзээ: 2024.05.27-2024.06.02
Үнэ: 15.000 төгрөг
“Намайг дурсаарай Коко” хүүхдийн жүжиг
Гэр бүлийнхээ урлагийн эсрэг бат зогсох хатуу хоригийг үл харгалзан Мигель хөгжимд дурлана. Өөрийн хүслийг биелүүлэхээр Мексикийн уламжлалт гитар хөгжмийн наадамд оролцохоор явж байгаад сүнсний ертөнц рүү нэвтэрснээр түүний адал явдал эхэлнэ. Олон жилийн туршид жинхэнэ од болох мөрөөдөлтэй явсан бяцхан хүүгийн урлагийн авьяас болон сүнсний ертөнцийн гайхамшигт аялалыг хэрхэн өрнөхийг үзээрэй.
Зохион байгуулагч: “Маппет” театр
Хаана: Улаанбаатар театр
Хэзээ: 2024.05.29-2024.05.31
Үнэ: 30.000 төгрөг
“Питер Пен” хүүхэд, гэр бүлийн жүжиг
Шотландын алдарт зохиолч Ж.Барригийн "Питер Пен, Венди хоёр" зохиолоос сэдэвлэсэн Питер Пен хүүхэд, гэр бүлийн жүжиг нь циркийн гайхамшигт үзүүлбэр, ид шидийн арлаар аялах эцэс төгсгөлгүй адал явдлаар дүүрэн байх болно.
Хаана: “Корпорэйт” конвеншн цэнтр
Хэзээ: 2024.05.30-2024.06.01
Үнэ: 30.000 төгрөг
“Томоогүй тооройн адал явдал” хүүхдийн жүжиг
Л.Лхаасүрэнгийн зохиол 'Томоогүй тооройн адал явдал' хүүхдийн сургамжит инээдмийн жүжгийг хүүхдийн эрхийг хамгаалах өдөрт зориулж хүүхэд багачууддаа тоглох гэж байна.
Зохион байгуулагч: “Голден стэйж” энтертайнмент
Хаана: Хүүхдийн урлан бүтээх төв
Хэзээ: 2024.05.31-2024.06.02
Үнэ: 20.000 төгрөг
“Шидтэний туслах Чами” хүүхдийн жүжиг
Чами бол энгийн л нэг Шидтэний туслах. Тэрний дотор хамгийн агуу шидтэн болох хүсэл мөрөөдөл юу юунаас ч илүү байдаг. Гэвч яг үнэндээ тэр бол хамгийн муу шидтэн. Хийсэн шид болгон нь бүтэлгүйтдэгээс болж Чами үргэлж гадуурхагдана. Харин муу санаат шулам өөрийг нь суллавал Чамиг хамгийн агуу шидтэн болгож өгнө гэсэнд Чами хууртаж хорон санаат шулмыг суллаж орхино. Үүнээс болж Шидтэний ертөнц сөнөх аюулд орно. Ганцхан хамгийн агуу шидтэн л Шуламсыг дийлж чадна. Ингээд Чами өөрийн алдаагаа засаж шуламсыг дарахаар мөн хамгийн агуу шидтэн болохоор аян замдаа гарна.
Зохион байгуулагч: “TST” энтертайнмент
Хаана: “Крокус” эвент холл
Хэзээ: 2024.06.01
Үнэ: 59.000, 79.000 төгрөг
Хүүхдийн баярын тоглолт
Пороро болон түүний найзууд, Наруто олон түүний андууд нарын адал явдалт жүжиг, хөгжилтэй хөтлөгч,хөөр баяр дүүрэн алиалагч, хүүхдийн дуучид, бүжгийн хамтлаг бүхий тоглолт.
Зохион байгуулагч: МҮЭСТО
Хаана: МҮЭСТО
Хэзээ: 2024.06.01
Үнэ: 25.000, 30.000 төгрөг
“Миний аав супер баатар” хүүхдийн жүжиг
Шоргоолж хүүгийн адал явдал УДЭТ-ын тайзнаа амилна. Энэхүү хүүхдийн жүжиг нь хүүхэд багачуудын нас сэтгэхүйд нь таарч нийцсэн байх ба хүүхэд бүрд гурван суртал сургаалийг ойлгуулах үүрэгтэй. Үүнд, дэлхий бол амьтай бүхний гэр, эцэг, эхийн сургааль үг үргэлж үнэн байдаг, хүч чадал амжилт ололтыг амар хялбар аргаар биш хичээл зүтгэлээр олдог.
Зохион байгуулагч: УДЭТ
Хаана: УДЭТ
Хэзээ: 2024.06.01
Үнэ: 12.000, 15.000 төгрөг
“Дэггүй Лиз” бүжгэн жүжиг
Францын хөгжмийн зохиолч Ф.Херольдын “Дэггүй Лиз” хоёр бүлэгт балетад тариачин хатагтай Симона ганц охинтойгоо амьдрах ба үзэсгэлэнт сайхан охиныг Лиз гэнэ. Симона хатагтай өөрийн ганц охиноо хөрөнгө чинээтэй айлын ганц хүүтэй суулгахаар тохирсон байдаг. Лиз охин, өөртэй нь суулгахаар болсон Аленд дургүй бөгөөд чинхүү хайртай залуу болох Колентойгоо гэр бүл болохыг мөрөөднө. Симона хатагтай ганц охиноо бусдаас харамлан сүй тавих өдөр хүртэл гэрээсээ гарч орохыг нь цагдаж байгаагаар бүжгэн жүжиг цааш өрнөнө.
Зохион байгуулагч: ДБЭТ
Хаана: ДБЭТ
Хэзээ: 2024.06.01
Үнэ: 30.000, 40.000, 60.000 төгрөг
